Стопанска банка АД Скопје беше дел од музичкиот спектакл што викендов се одржа под отворено небо, привлекувајќи бројна публика и создавајќи незаборавна атмосфера исполнета со музика и емоции.

Од Банката велат дека им претставувало особена чест да бидат поддржувачи на настанот, кој уште еднаш ја потврдил важноста на културата и уметноста во поврзувањето на луѓето и создавањето заеднички вредности.

„Културата има моќ да инспирира, обединува и создава моменти кои долго се паметат“, порачуваат од Стопанска банка, споделувајќи дел од атмосферата од настанот.

Од таму додаваат дека и во иднина ќе продолжат да поддржуваат културни настани со цел уметноста и културата да бидат достапни за што поголем број граѓани.

АЛТА Банка ги повикува родителите навреме да започнат со создавање финансиска сигурност за своите деца преку производот за детско денарско штедење.

Од банката посочуваат дека штедењето уште од најрана возраст претставува важен чекор кон градење здрави финансиски навики и обезбедување средства за идните потреби и планови на децата.

„Секој голем сон започнува со мала заштеда“, порачуваат од АЛТА Банка, нагласувајќи дека производот овозможува постепено и континуирано штедење, со фокус на долгорочна финансиска стабилност.

Детското денарско штедење е наменето за родители кои сакаат чекор по чекор да создаваат финансиска основа за образованието, развојот и иднината на своите деца.

Повеќе информации за условите и можностите за штедење се достапни на веб-страницата на банката.

Фестивалот „Охридско лето“ веќе 66 години претставува еден од најзначајните културни настани во Македонија, обединувајќи врвни музички и театарски уметници на сцените во Охрид.

По повод долгогодишната традиција на фестивалот, Комерцијална банка потсети на неколку значајни моменти од неговата историја. Приказната започнува во 1961 година, кога во црквата „Света Софија“ настапила оперската дива Ана Липша-Тофовиќ, придружувана од пијано донесено специјално за таа вечер, прво од ваков вид во Охрид.

Со текот на годините, „Охридско лето“ од фестивал посветен на музичката уметност прераснало и во реномирана театарска сцена, привлекувајќи домашни и странски уметници и публика.

Секое свечено отворање на фестивалот започнува со химната компонирана од македонскиот композитор Томислав Зографски, а од 1994 година манифестацијата е дел од европското семејство на најзначајни културни фестивали.

Од Комерцијална банка, која со години е поддржувач на фестивалот, истакнуваат дека „Охридско лето“ не е само календарски настан, туку културно наследство и значаен промотор на македонската култура пред светската јавност.

Благодарение на својата традиција, уметничка вредност и меѓународен углед, фестивалот продолжува да го потврдува местото на Охрид меѓу препознатливите светски културни дестинации.