Connect with us

Криптовалути

Победата на Трамп е се поизвесна, а тоа е една од причините за раст на вредноста на биткоинот

Објавено

пред 2 месеци

на

По првичните загуби на азиските берзи, повеќето главни регионални индекси се во зелено на почетокот на неделата, бидејќи инвеститорите проценуваат какво влијание ќе има најновиот потег на кинеските власти врз забавената економија, а фокусот е и на општите избори во Јапонија , што ќе се одржат кон крајот на неделата, пренесе новинската агенција „Хина“.

Индексот „MSCI“ на азиските берзи околу 6 часа беше во благ пораст за 0,11 проценти, како одраз на претпазливоста на инвеститорите откако индексите на американските берзи пораснаа шеста недела по ред.

Истовремено, јапонскиот Никеи порасна за 0,26%, додека австралиските и шангајските берзански индекси зајакнаа за приближно 0,8 отсто, а берзанскиот индекс на Хонг Конг ослабе за половина процент.

Кинеската централна банка ги намали клучните каматни стапки за 25 базични поени, па сега е 3,1 проценти за заеми до една година и 3,6% за пет години.

Учесниците на пазарот очекуваа ваква одлука, па затоа пазарот остана претпазлив, додека се чекаат натамошни потези и најави од кинеските претставници поврзани со економски стимулации, што може да потрае.

„Можеби ќе треба да почекаме до крајот на октомври или почетокот на ноември за конкретни планови од состанокот на Постојаниот комитет на Националниот народен конгрес“, изјави Чаопинг Жу, стратег за глобален пазар во JP Morgan Asset Management во Шангај. Две недели пред претседателските избори во САД, кај некои финансиски инструменти растат облозите за победа на Доналд Трамп.

Царинската, даночна и имиграциска политика на републиканскиот кандидат се сметаат за инфлаторни, па затоа се негативни за обврзниците, а позитивни за доларот.

Се верува дека Трамп има попозитивен став кон криптовалутите.

„Се чини дека Трамп е во предност во клучните држави во бојното поле, што сугерира дека е прилично добро позициониран да се врати во Белата куќа, и мислам дека пазарите почнаа да го земаат тоа предвид минатата недела со посилните цени на акциите, повисоките приноси, американскиот долар што добро котира и со биткоинот, што е на добар пат за зголемување од 10 проценти во споредба со претходната недела“, изјави Тони Сајкамор, пазарен аналитичар во IG.

Биткоинот моментално е во пораст за 0,5 проценти, на 69,100 долари, а во текот на денешното тргување го достигна највисокото ниво од јули, 69,487 долари.

Најголемата криптовалута во светот минатата недела се зголеми за 9,6 проценти и е во пораст од 8% од почетокот на месецот.

Индексот на доларот, што ги мери перформансите на САД во однос на кошницата од шесте најважни светски валути, стагнира на 103,46 поени, недалеку од највисокото ниво во повеќе од два месеци.

Ова е само одраз на малите флуктуации на курсот на доларот во однос на еврото и јенот.

Еврото утринава се тргува по 1,086 долари, а курсот на доларот е 149,27 евра речиси непроменет во однос на петокот.

Слични Теми:

Криптовалути

ПРЕМИЕРОТ МИЦКОСКИ НАЈАВУВА РЕВОЛУЦИЈА – Криптовалутите наскоро ќе бидат легални во Македонија!?

Објавено

пред 4 недели

на

Владата размислува користењето на криптовалути да го стави во законски рамки. Премиерот Христијан Мицкоски денеска изјави дека според него тоа е иднината и дека ќе бидеме меѓу првите земји во регионот кои тоа ќе го направат.

„Сакаме сето тоа легално да го канализираме во рамки на законот, но има премногу работи што треба претходно да се усогласат и тоа и го правиме, ги усогласуваме тие работи за да дојдеме до финалниот производ. Тоа е иднината и мислам дека ќе бидеме меѓу првите во регионот, ако не и први, такво нешто да направиме. Како ќе функционира, ќе видиме, но тоа по мене е иднината“, изјави Мицкоски, одговарајќи на новинарски прашања по денешната прес-конференција посветена на новогодишната кошничка.

Вредноста на биткоинот за првпат денеска надмина 100.000 долари.

Продолжи со читање

Криптовалути

Ричард Тенг, извршниот директор на Binance, за Биткоинот кој достигна 100 илјади долари

Објавено

пред 4 недели

на

Речиси 16 години откако неговиот прв блок беше миниран во 2009 година, Биткоин ја достигна значајната пресвртница од 100.000 долари по монета, ставајќи го средството на вкупна пазарна капитализација од 2,1 трилиони долари. Ова, исто така, го става Биткоинот на многу кратка листа од само седум средства или компании кои постигнале пазарна капитализација од повеќе од 2 трилиони долари, а останатите се гиганти за злато и технологија како NVIDIA, Apple, Alphabet (Google) и Amazon.

Историскиот раст на Биткоин до 100 илјади долари по токен доаѓа како резултат на значајните структурни промени на пазарот, потенцијалните регулаторни промени во САД под администрацијата на Трамп и институционалното усвојување поттикнато од успехот на Биткоин ЕТФ. Со разговорите за американска стратешка резерва на биткоин и повеќе компании кои додаваат Биткоин во нивните корпоративни трезори, ние сме на работ на вистинско глобално прифаќање.

Денешното достигнување означува пресвртница во патот на Биткоин од специфично средство до општоприфатен финансиски инструмент, привлекувајќи повеќе институционални и малопродажни инвеститори, моќен наративен и влијателен двигател што ја зајакнува позицијата на крипто валутата во областа на финансиите и охрабрува негово пошироко усвојување.

Неодамнешната промена во макроекономските услови одигра значителна улога во собирањето на Биткоин. Со намалувањето на каматните стапки од страна на Федералните резерви по подолг период на консолидација, а глобалната ликвидност во пораст, капиталот се влеа во средства кои се сметаат за отпорни на инфлација и недоволни. Биткоинот, со својата фиксна понуда од 21 милион монети, се издвојува како природна заштита од девалвација на валутата во готовина, предизвикувајќи зголемена побарувачка.

Администрација на Трамп, која е пријателски настроена кон крипто валутата како платежно средство, дополнително влева оптимизам на пазарот, на кампањата вети дека ќе ги трансформираат САД во глобален крипто центар. Реториката околу американската стратешка резерва на биткоин и потенцијалните регулаторни промени дополнително ја зголемуваат довербата на инвеститорите.

Микростратегијата на агресивните аквизиции на Биткоин го истакнуваат растечкиот тренд на корпоративни трезории кои ги прифаќаат дигиталните средства, при што компанијата сега опфаќа 1,5% од вкупната понуда на Биткоин. Други компании, како „Marathon Digital“, го следат примерот, што укажува на поширока примена на Bitcoin како стратешко средство.

Воведувањето на Bitcoin ETF и, неодамна, опциите на Bitcoin ETF, им олесни на институционалните инвеститори да добијат поголема видливост и да се заштитат од ризици, што значително придонесе за неодамнешниот собир. Со значителни приливи во овие ЕТФ, Биткоин е подготвен за понатамошна интеграција на главните финансиски пазари.

Продолжи со читање

Бизнис

Кој е македонскиот биткоин милионер!?

Објавено

пред 4 недели

на

Победата на Доналд Трамп на претседателските избори во САД го поттикна растот на американските и светските берзи, ја зголеми вредноста на доларот, додека пак криптовалутите растат вртоглаво.

Најпознатата криптовалута, биткоинот, денеска достигна рекордна вредност од над 100.000 долари, достигнувајќи највисоко ниво од 103.225 долари за еден биткоин.

Овој тренд на раст на криптовалутите преку ноќ направи многу луѓе милионери, а таков е случајот и со директорот на Управата за извршување на санкции, Александар Пандов.

Тој во својот анкетен лист поднесен до Државната комисија за спречување на корупција – ДКСК, пријавил дека поседува 10 биткоини, проценети на 600.000 долари во моментот на пријавувањето односно во тој момент еден биткоин вредел 60.000 долари.

Со новата рекордна цена на биткоинот, неговите 10 биткоини сега вредат околу 1.032,225 американски долари, што го прави Пандов нов крипто милионер.

Оваа заработка го става Александар Пандов во редот на најпрофитабилните македонски инвеститори во криптовалути за оваа година.

Продолжи со читање

Популарно