Акциите на најпознатата светска берза во Њујорк (Wall Street) се на рекордно ниво поради охрабрувачките извештаи за приходите на акционерите и поради оптимизмот дека новото раководство во Вашингтон ќе значи поголема поддршка за економијата, која е во голема тешкотија поради пандемијата на Ковид-19.

Индексот „S&P500“ беше повисок за 1,4 проценти во попладневното тргување, на 3.851 поен, надминувајќи го рекордното ниво од 3.824,68, поставено на почетокот на овој месец.

Индустрискиот индекс „Daw Jones“ вчера попладне порасна за 220 поени или 0,7 проценти, а индексот „Nasdaq Composite“ беше за 2,1 проценти повисок.

Џозеф Бајден положи заклетва и стана претседател на Соединетите американски држави, подготвен за низа извршни решенија и подготви план за вбризгување на нови 1,9 трилиони долари во економијата, со надеж дека неговата Демократска партија ќе дејствува брзо кога ќе ја преземе контролата над двата дома на американскиот Конгрес.

Под Трамп, индустрискиот индекс „Daw Jones“ даде годишен принос од 11,8 проценти, подобар од кој било претседател на републиканците од 1920-тите, но не толку добар како што беше во времето на Бил Клинтон и Барак Обама, поранешните претседатели на Демократската партија.