Connect with us

Електронско банкарство

UnionPay и PayPal најавуваат глобално партнерство

Објавено

на

UnionPay International (UPI) и PayPal најавија глобално партнерство каде и двете компании ќе работат заедно за да го забрзаат растот на нивните мрежи.

Како дел од договорот, PayPal е должен да го поддржи прифаќањето на UPI на глобално ниво, каде PayPal е прифатен – давајќи им на сопствениците на картички на UnionPay поголем избор при купување. Како возвратна услуга, во иднина, UnionPay International (UPI) ќе истражува можности за поддршка на трговијата и амбициите на потрошувачите на PayPal во Кина.

„Ние во PayPal сме горди на овој значаен договор со UnionPay International и глобалното влијание што ова партнерство го создава за нашите заеднички клиенти, надоврзувајќи се на нашиот статус како прва платформа за странски плаќања, лиценцирана за обработка на интернет плаќања во Кина“, рече Џим Магатс, потпретседател на секторот за меѓународни плаќања на PayPal.

„Партнерството ќе им даде на клиентите на UnionPay поголем избор при прекуграничните купувања, а има потенцијал да придонесе и за целокупниот раст на кинеската е-трговија. Исто така, ќе му даде можност на PayPal да ја истражи можноста за проширување на дигиталниот паричник за физички малопродажни места каде UnionPay е прифатен во Кина или во странство“, додаде Магатс.

UnionPay картичките сега можат да се додадат на дигиталните паричници на PayPal во Австралија, Филипините, Сингапур, Јужна Кореја и Тајланд. Во 2020 година, PayPal и UPI планираат да се прошират на повеќе од 30 пазари, што значи дека откако ќе се додаде картичката на UnionPay во паричникот на PayPal, овие сопственици на картички ќе имаат можност за набавка од кој било од 24-те милиони трговци ширум светот каде PayPal е прифатен преку својот дигитален паричник.

Како дел од договорот, PayPal и UPI исто така, се посветени на заедничка соработка за подобро да им служат на заедничките купувачи и трговци во растот на дигиталните плаќања во Кина и во целиот свет. Ова ќе вклучува можност корисниците на PayPal ширум светот да користат PayPal кај трговците каде UnionPay е прифатен.

Електронско банкарство

„Ready, set, grow! – тема на четвртата годишна конференција за е-трговија

Објавено

на

Под мотото „Ready, set, grow!” на 12 ноември 2021 година (петок) по четврти пат ќе се одржи годишната конференција за е-трговија, во организација на Асоцијацијата за е-трговија на Македонија.  (more…)

Продолжи со читање

Електронско банкарство

Отсега услугите на НЛБ мКлик мобилното банкарство достапни за лицата со оштетен вид

Објавено

на

НЛБ Банка во соработка со софтверската компанија Asseco SEE направи значајни подобрувања на функционалностите на постоечката НЛБ мКлик апликација благодарение на кои таа отсега е достапна за употреба од страна на лицата со оштетен вид. (more…)

Продолжи со читање

Електронско банкарство

Шпаркасе Банка воведува провизија за користење на електронско банкарство за целосен пристап за физички лица

Објавено

на

Шпаркасе Банка Македонија АД Скопје ги известува своите почитувани клиенти дека Банката ќе прави прилагодувања во Одлуката за тарифи и надоместоци за услуги кои ги врши банката поврзани со услугите за електронско банкарство за физички лица кои ќе бидат во важност од јули 2021 година. (more…)

Продолжи со читање



Популарно