Италијанскиот банкарски гигант „UniCredit” во текот на вчерашниот ден ја објави својата најголема загуба за повеќе од три години.

Нето загубата изнесува 2,71 милијарди евра, бидејќи резервациите за нефункционални кредити се зголемиле на 1,26 милијарди евра, објави италијанската банка во извештајот.

Околу 900 милиони евра се наменети специјално за решавање и ублажување на негативните ефекти и влијанието од вирусот Ковид-19. Нормалното функционирање и редовното кредитирање на банките беше еластична и отпорнa на влијанијата од вирусот во првиот квартал, а приходите од провизии и проценка на кредитите ,исто така, биле отпорни.

Италијанската економија влезе во најдолга стагнација во Европа неколку месеци откако извршниот директор Жан Пјер Мустиер претстави нова стратегија за подобрување на профитабилноста и зголемување на дивидендата на акционерите. „UniCredit” очекува да го разгледа својот план на почетокот од следната година, а главниот извршен директор изјави дека банката не поставува нови цели за 2020 година, бидејќи неизвесноста останува премногу висока.

„„UniCredit” може да оствари 75% до 80% од своите цели за нето приходи за следната година, доколку економијата на Европската унија се зајакне за 10% колку што очекуваат многу економисти“, рече Мустиер.

Банката во последниот квартал од годинава ќе одлучи дали ќе исплати дивиденда за претходната година или сепак ќе ги задржи средствата и ќе ги пренамени за намалување на негативното влијание од коронавирусот.