Connect with us

Електронско банкарство

TOPSI Pay – 24 часа Банка во Вашиот телефон!

Објавено

на

Иновативните решенија од Стопанска банка постојано го олеснуваат вашето секојдневие.

Од вашиот „паметен телефон“ само со m-banking мобилната апликација од Стопанска банка АД Скопје можете да реализирате базични банкарски трансакции (плаќање на сметки, данок и сличен пренос на средства) и да имате постојан увид во сите ваши сметки, изводи, листа на трансакции и да управувате полесно со вашите финансии.

Секое плаќање се авторизира лесно преку OTP токенот кој бесплатно го добивате со регистрација за користење на i-bank услугите со едно доаѓање во која било филијала на Банката.

ОСНОВНИ ЕЛЕМЕНТИ И ФУНКЦИОНАЛНОСТИ НА TOPSI Pay СЕРВИСОТ

  • Пријатели

Опцијата „Пријатели“ овозможува приказ на контактите од телефонскиот именик или пријатели на Facebook кои се клиенти на Стопанска банка и се регистрирани за користење на TOPSI Pay услугата. Со избор на пријател, може да се испрати барање за плаќање, да се плати на контактот или увид во историјата на трансфери помеѓу вас и одбраниот контакт.

  • Подели сметка

Опцијата „Подели сметка“ овозможува одреден трошок, на пример, платената сметка за вечера или кино да ја поделиш со пријателите. Сервисот ќе го подели вкупниот износ на сметката по што брзо и едноставно ќе може да се испрати барање за плаќања до повеќе пријатели или може да се внесе износ кај секој пријател одделно за добивање на вкупниот износ што треба да се подели.

  • Барања

Опцијата „Барања“ овозможува преглед на сите барања за плаќања кои сте ги пратиле или примиле од вашите TOPSI Pay пријатели. Тековните барања кои се уште не се платени се маркирани со бела боја, додека пак сивата боја ги означува веќе извршените барања. Со избор на секое од барањата се добива детален приказ на испраќачот и примачот на барањето, износот кој треба да се префрли, датумот, како и причината за барањето.

  • Историја

„Историја“ овозможува преглед на сите успешни плаќања реализирани кон твоите пријатели, како и на сите примени плаќања кон тебе од твоите пријатели, преку TOPSI Pay сервисот. Со клик на секоја од трансакциите прикажани во „Историја“ добиваш детален преглед на сите информации за плаќањето.

За полесно да ја инсталирате апликацијата и да започнете да ја користите, погледнете го следното видео.

Електронско банкарство

Повеќе од 30 говорници од 9 држави ќе учествуваат на првата Конференција за е-трговија во Македонија


Објавено

на

Организаторите на првата годишна македонска Конференција за е-трговија, која ќе се одржи на 26-ти октомври во хотел Мериот во Скопје, ја објавија финалната програма. Агендата е составена од поздравни обраќања, главни говори, панел дискусии и неколку изненадувања за учесниците, а ќе биде реализирана од страна на триесетина говорници од 9 држави. Покрај локалните учесници и експерти за е-трговија, ќе има говорници и од Калифорнија (САД), Велика Британија, Чешка, Словенија, Бугарија, Србија, Полска и Белгија. (more…)

Продолжи со читање

Електронско банкарство

Три нови функционалности во електронското банкарство на Силк Роуд Банка АД Скопје

Објавено

на

Електронското банкарство за физички и правни лицa на Силк Роуд Банка од денес е збогатено со три нови функционалности и тоа: девизен пазар, девизни плаќања и девизни приливи. (more…)

Продолжи со читање

Електронско банкарство

МОЈА БАНКА, Мобилна банка на Охридска банка Сосиете Женерал

Објавено

на

MОЈА БАНКА апликација на Охридска банка Сосиете Женерал која Ви овозможува Вашиот мобилен уред да биде Ваша подвижна виртуелна експозитура преку која на брз, сигурен и лесен начин имате информација за сите Ваши сметки, кредитни картички, кредити, депозити, а можете да правите плаќања кога било и од каде било.

Апликацијата е бесплатна и можете да ја преземете преку Google Play Store или Apple App Store, а поддржува верзии на оперативните системи Android и IOS не постари од Android 4.2 и IOS 7.0.  Еден корисник може апликацијата да ја користи на максимум три различни уреди.

Достапна е за користење на 3 јазици: македонски, албански и англиски.

Со максимална сигурност на располагање Ви се следниве услуги:

  • Пристап до Вашите сметки, состојбата и расположливите средства, во секое време (преглед на состојба, промет за период, структура на картични трансакции, увид во извршените налози, амортизациони планови, напредно пребарување на налози, преглед на кредити, кредитни и дебитни картички, кредити, депозити и сл.)
  • Креирање на ПИН-код за поедноставно и побрзо најавување без да се загрози безбедноста на вашите финансиски информации
  • Користење на готови шаблони за брзи плаќања на сопствени сметки, уплати за кредити и кредитни картички и други плаќања
  • Користење на готови шаблони за брзо плаќање на режиски трошоци (вода и комуналии, струја, парно, телекомуникации, кабелски оператори, радиодифузна такса итн.)
  • Извршување на налози за плаќање преку стандардните обрасци ПП30 и ПП50, со можност за избор од сопствените сметки (Мои сметки)
  • Извршување на конверзија на девизи помеѓу Вашите сметки
  • Калкулатори за пресметка на кредитните и депозитните производи на Банката
  • Курсна листа со напреден преглед
  • Лоцирање на банкоматите и експозитурите на Банката со можност за креирање на локациска маршрута, увид во работното време на филијалите и нивните контакт-податоци
  • Нотификациско сандаче за прием на известувања

Апликацијата можете да ја користите дури и доколку не сте клиент на Банката. Едноставно, само симнете ја апликацијата и ќе можете да ги користите јавно достапните услуги за нашите производи и услуги, геолокациските услуги за наоѓање на најблиска експозитура или банкомат.

Посетете ја најблиската експозитура и станете корисник на Моја банка.

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange