Connect with us

Колумни

Tip of the week – Организација на простор

Објавено

на

Мојот работен простор, во многу мал дел од неделата е добро организиран. Не знам какви сте вие, но неуреден простор оддава впечаток на неуредена личност, а не сум таков.

 

Бидејќи не сум таков, решив дека мора да си го средам работниот простор, а со тоа и самиот себе си, најверојатно. Да споделам неколку совети што почнав да правам и некои работи кои можеби ќе може да ви помогнат околу ваша подобра организација:

  • Зошто – пред воопшто да почнете со решавање на проблемот, прво треба да дознаете зошто вашиот работен простор е несреден. Можеби ви е таква работата и едноставно што и да направите нонстоп ќе биде несреден, па тогаш ќе треба тотална реорганизација во целата ваша работна просторија.
  • Реорганизација на просторот – прво што треба да направите е да процените колку простор имате. Понекогаш ние сакаме на мал простор да се организираме како да имаме 100 м2. Затоа, ако ви е потребен повеќе простор, реорганизирајте го! 
  • Чистење – редовно чистење на работната маса многу ќе ви помогне. Ќе се изненадите колку многу имате стари и непотребни работи и колку ќе ви се ослободи слободен простор.
  • Организација на фиоки – фиоките се помошно место кои треба да ви помогнат при организација на главниот простор. Убаво е нив да ги средите како би можеле да си ослободите позиција на главниот дел.
  • Систем за фајлирање – секој од нас треба да си има сопствен систем за фајлирање кој или во целост или барем главниот дел од него ќе се поклопува со главниот систем за фајлирање што го имате во вашата канцеларија. Вашиот систем може да биде или во фиоки или на масата да поставите кластери.
  • Кластери – тие треба да се поставени близу вас и да ви помогнат околу поделба на обврските што треба да ги направите (итни, за дискусија, follow up, итн…).
  • Електронска работа – доколку вашата позиција овозможува, гледајте што повеќе да работите електронски отколку во хард копија. Со тоа ем заштедувате простор, но истовремено и ресурси.
  • Работни „зони” – во некој дел од целата работна просторија ќе треба да воспоставите места кои ќе бидат работни, односно каде што ќе може да се оставаат работи(полици, плакари итн.).
  • На дофат на рака – опремата која најмногу ја користите нека ви биде на дофат на рака. Работите кои ретко ги користите, може да се и подалеку.
  • Време – одвојте (најлесно на крајот на неделата) време кога ќе правите неделни чистења на вашиот простор. 

Една работа да се договориме, целосно чист работен простор не е возможен. Она што е возможно е да не работите во хаос (барем што се однесува до работниот простор) туку да имате функционален простор на кој ќе може навремено и квалитетно да ги завршувате работите.

 

Со успех во промените,

@kalin.babusku

Член на тимот 

МАКЕДОНИЈА-ЕКСПОРТ Консалтинг

www.macedonia-consulting.com

www.macedonia-export.com

Колумни

Што да очекуваме во 2022 година од аспект на спречување перење пари и финансирање на тероризам?

Објавено

на

Гледајќи наназад во 2020 и 2021 година и сите случувања поврзани со Ковид 19, би било многу тешко да предвидиме што може да очекуваме во годината што е пред нас, 2022 година. Сепак, кога би зборувале само за процесите кои што би ја опфатила активноста за спречување перење пари и финансирање на тероризам, во тој случај предвидувањата се малку полесни. (more…)

Продолжи со читање

Колумни

Дали комбинирањето на одговорните лица за спречување перење пари и анти – измама ќе даде подобри резултати?

Објавено

на

Кога станува збор за борбата против измамите и перењето пари, врската меѓу двете е критична бидејќи измамниците работат на изнаоѓање начин да ги легитимизираат нивните недозволени средства. Измамата е кривично дело и е главно дело (овие кривични дела често се основниот извор на перење пари). Приходите од криминални активности поврзани со измама треба да се “перат”, така што “перењето” пари често следи веднаш по појавата на измама. Обично, по успешна активност на перење пари, измамниците добиваат непосреден пристап до средствата и ги прикриваат приходите, правејќи ги да изгледаат автентични. (more…)

Продолжи со читање

Колумни

Нивото на финансиска писменост е суштински индикатор за способноста на луѓето да донесуваат финансиски одлуки

Објавено

на

Денес сите ние треба да бидеме поодговорни за своите лични финансии од кога било досега. Системите за пензиско осигурување и социјална помош се во една тешка и напната позиција, што особено се комплицира со зголемувањето на животниот век на населението. Финансиските пазари брзо се менуваат, технологијата, новите и посложени финансиски производи стануваат наше секојдневие. Опсегот на финансиски производи од кои луѓето треба да избираат е многу различен од она што беше во минатото: хипотеки, кредитни картички, инвестициски фондови, заеднички вложувања и ануитети, а одлуките поврзани со овие финансиски производи имаат импликации за индивидуалната благосостојба. (more…)

Продолжи со читање


Популарно