Connect with us

Останато

Нина Ангеловска по втор пат избрана за “жена амбасадор за е-трговија” на УНКТАД

Објавено

на

Нина Ангeловска, по втор пат беше избрана за „жена амбасадор на e- трговија“ од страна на УНКТАД – телото на Обединетите нации за трговија, инвестиции и развој, заедно со уште пет други успешни жени претприемачи од целиот свет.

Неделава УНКТАД ја одржа неделната програма за прогласување на новата група избрани жени-амбасадори за е-трговија (еTrade for Women Advocates) за 2021-2022 година. Ѓ-ѓа Изабел Дурант, вршител на должноста Генерален секртар на УНКТАД упати честитки до амбасадорките на свечената церемонија за нивно назначување која оваа година се одржа виртуелно. 

Втората група на „амбасадорки на е-трговија” брои шест успешни жени претприемачи кои ги покриваат следниве региони: Арапските држави, Африка, Балканот, Латинска Америка и Југоисточна Азија. Ангеловска е единствена претставничка од Европа која е прогласена за „жена амбасадорка на е-трговија“ за Балканот.

Жените-амбасадори за е-трговија се успешни и влијателни жени, бизнис-лидери одбрани од УНКТАД со цел да се поттикнат и инспирираат жените во светот да преземат иницијативи и да ги искористат предностите што ги носи глобалната дигитална економија и со тоа да придонесат за зајакнување на позицијата на жените во дигиталната економија. Преку нивната работа и лидерство, амбасадорките ја инспирираат и ја поттикнуваат следната генерација жени претприемачи да градат поинклузивни дигитални екосистеми на локално ниво. 

Ми претставува голема чест што мојот мандат во UNCTAD продолжува. Од улога на Амбасадор на иницијативата Е-трговија за жени се надевам дека ќе инспирирам што повеќе жени да бидат храбри, да го искористат својот потенцијал и предностите на технологијата, да покажат што знаат и умеат, да целат високо и да ги водат промените. Сега во време на COVID-19, повеќе од било кога треба да ги претвориме предизвиците во можности и да го искористиме потенцијалот на дигиталната економија и жените.” – вели Ангеловска

Инаку, првото прогласување на Ангеловска за „жена-амбасадор за е-трговија” беше за време на 74тото Генерално Собрание на Обединетите Нации, кое се одржа од 23 до 26 септември 2019 година, во Њујорк.

Септември, 2019 – свечено промовирање на Жените амбасадорки за е-трговија на УНКТАД за време на годишното собрание во Њу Јорк од страна на Генералниот секртар Мукиза Китуи

Иницијативата преку која УНКТАД ги избра „жените амбасадори на дигитална трговија“- „Е-трговија за жени“ (eTrade for Women) има за цел да го поттикне економскиот раст и да ја намали сиромаштијата во земјите во развој комбинирајќи ги придобивките од технологијата и претпримништвото кај жените. Со помош на нивното искуство во дигиталната трговија, глобалните амбасадорки, треба да помогнат во спроведување на Целите за одржлив развој на ОН промовирајќи го користењето на технологија во служба на економскиот развој. Иницијативата е поддржана од владите на Холандија и Шведска.

Останато

Бизнисот со топлинска енергија оди во домашни раце – Адора инженеринг на јавна лицитација за 9,3 милиони евра го купи имотот на Топлификација АД во стечај

Објавено

на

Адора инженеринг по пат на јавна лицитација, за 9,3 милиони евра, ги купи Топланите Исток и Запад и најголемиот дел од останатиот имот на Топлификација АД, која е во стечај. Со оваа купопродажба успешно се завршува стечајната постапка на ова претпријатие и се отвара ново светло, поглавје во регулираниот бизнис со производство на топлинска енергија, кој што е од државно значење, односно директно влијае врз екологијата и целокупниот комфор на живеење на граѓаните во главниот град Скопје. (more…)

Продолжи со читање

Останато

Извршниот директор на Тиго Фајнанс, Филип Димитровски, прогласен за еден 40 највлијателни и најуспешни бизнис лидери под 40 години во Југоисточна Европа

Објавено

на

Престижната меѓународна агенција „Business Elite Awards“, на специјална гала свеченост организирана во Истанбул, Турција, му го додели значајното „40 Under 40“ признание за бизнис лидер под 40 години на Филип Димитровски, извршен директор на финансиското друштво Тиго Фајнанс. (more…)

Продолжи со читање

НБРМ

Во соработка со ИНФЕ-ОЕЦД и Министерството за финансии на Холандија се засилуваат активностите за спроведување на националната Стратегија за финансиска едукација и финансиска инклузија

Објавено

на

Спроведувањето на првата национална Стратегија за финансиска едукација и финансиска инклузија засилено напредува. Оттука, вчера и денес, финансиските регулатори од земјава предводени од Народната банка во рамките на Координациското тело за финансиска едукација и финансиска инклузија, заедно со Меѓународната мрежа за финансиска едукација при Организацијата за економска соработка и развој (ИНФЕ-ОЕЦД) во соработка со Министерството за финансии на Холандија, организираат работилница, во рамките на програмата на Конституенцата и програмата „Манивајс“ (Money Wise). (more…)

Продолжи со читање



Популарно