Осигурителната компанија Lloyd’s of London ќе основа нова европска филијала со седиште во Брисел како би го избегнала намалувањето на работа по излезот на Велика Британија од ЕУ.

Осигурителната куќа со традиција од 329 години го потврди планот заедно со објавата на најновите годишни резултати.

“Филијалата ќе биде отворена во Брисел и ќе започне со работа од 1 јануари 2019 година”, соопштија од компанијата.

Работењето на компаниите на европскиот континент генерира 11% од договорените премии за осигурување. 

И други финансиски институции, исто така планираат дел од бизнисот да го преместат во Европа. Некои од инвестициските банки како “Bank of America”, “Barclays” и “Morgan Stanley”, размислуваат да преместат дел од вработените во Даблин.