Најбогатиот Французин, сопственикот и директор на компанијата LVMH, Бернар Арно, го претекна Џеф Безос, основач на Amazon, и стана најбогатиот човек на светот според „real time“ листата на „Forbеs“.

Имотот на Арно сега се проценува на 117 милијарди долари, откако акциите на неговиот конгломерат LVMH, кој се занимава со производство на луксузна стока, во петокот пораснаа за 1,66%, што го доведе до првото место на листата на „Forbеs” која се ажурира во „реално време”.

Од друга страна, „Amazon” во последната трговска сесија во петокот изгуби 0,7% од вредноста, што доведе до тоа Безос да падне на второ место со богатство од 115,6 милијарди долари.

Основачот на Microsoft, Бил Гејтс, остана на трето место со богатство од 110,6 милијарди долари.

Од „Forbеs” истакнуваат дека Гејтс и понатаму би бил на прво место на листата на најбогатите луѓе во светот да не донирал 35,8 милијарди долари во добротворни цели, но тој и понатаму продолжува да го прави тоа.