Connect with us

Интервјуа

Интервју ПАЛЧЕВСКИ: Пантелеон ГС има сериозна намера да остави значаен белег на домашниот пазар преку креирање на нови вредности

Објавено

на

Пантелеон ГС е домашна компанија која што нуди аутсорсинг услуги на американскиот пазар, односно комплетна алокација на деловни процеси и вработени.

Основана е во 2020 година, а од тогаш тимот на вработени е зголемен за повеќе од двојно. Генерален менаџер на компанијата е Влатко Палчевски кои има претходно работно искуство во банкарскиот сектор повеќе од 10 години.

Со него во продолжение разговараме за компанијата, дејноста на компаниите со кои соработуваат, инвестирањето во своите вработени од финансиска, но и нефинансиска гледна точка и плановите за развој во иднина.

Банкарство: Имајќи предвид дека нудите аутсорсинг услуги на американскиот пазар, од кои дејности се најчесто компаниите со кои соработувате?

Влатко Палчевски: Во нашето портфолио на клиенти доминираат претежно финансиски компании за факторинг, лизинг, осигурување и финансирање, брокерска компанија, мрежа за продажба на возила, компанија за регрутација, маркетинг и многу други.

Банкарство: Колку вработени во моментов го сочинуваат вашиот тим и каде се наоѓаат канцелариите на вашата компанија?

Влатко Палчевски: Во моментов Пантелеон ГС брои 80 вработени, кои се распоредени во две канцеларии (Скопје, на ул. Максим Горки во централното градско подрачје и Струмица, во старата чаршија). Пред речиси две години целиот тим го сочинуваа само 30 вработени, а планот за понатамошниот раст останува амбициозен и во следниот период.

Банкарство: Вработените се највредниот ресурс во денешно време и свесни сме колку е специфично да се пронајде и да се управува со квалитетна работна сила. Што ве прави различни од останатите компании на домашниот пазар?

Влатко Палчевски: Она што не прави поинакви од другите македонски компании е пристапот и третманот кон нашите вработени. Имено, стратешка опрделба на компанијата е привлекување на талентирани и амбициозни луѓе, а сето тоа се реализира на повеќе нивоа:

  • на сите вработени, без исклучоци, им се нуди можност за стекнување нови знаења и вештини, кои ќе ги изградат во врвнипрофесионалци и ќе го зголемат нивниот придонес како во самата компанија, така и во локалната средина во која живеат и работат;
  • напорно работиме на луѓето во Пантелеон ГС да им обезбедиме пријатна и удобна работна средина и услови за работа, не мислам само на нови и модерни канцеларии, туку и на редица лични бенефити како на пример приватно здравствено осигурување, месечни претплати на спортски активности по избор, редовна достава на здрава храна, субвенционирање на трошоци за паркинг и сл;
  • отворена комуникација на сите нивоа во компанијата, преку политика на отворени врати, што на секој вработен му овозможува директен и непречен пристап до членовите на врвниот менаџмент на дневно ниво – што е особено важно за градење на квалитетна комуникација внатре во компанијата и одржување на долготрајни релации;
  • натпросечни финансиски пакети на ниво на целата компанија.

Банкарство: Сведоци сме на зголемени трошоци за живот кои неминовно резултираат со поголеми финансиски потреби на вашите вработени. Како постапи Вашата компанија?

Влатко Палчевски: Тука би сакал да ја споменам и Одлуката на компанијата Пантелеон ГС и нејзиниот менаџмент, од пред неколку месеци, со која ги зголеми платите на сите свои вработени за нето износ од 3.000,00 денари како одговор на зголемените животни трошоци.

Банкарство: Работното време е различно од стандардното во Македонија, односно се работи од 15 – 23 часот. Како се компензира тоа што се работи по работно време за Америка и како вработените го прифаќаат овој факт?

Влатко Палчевски: Работејќи ексклузивно за клиенти на американскиот пазар, сите оперативни активности се целосно прилагодени на клиентите, што за нас значи попладневно работно време, односно од 15 часот до 23 часот. Ова може да делува невообичаено на прв поглед, но сите наши вработени, без исклучок, извонредно успешно се адаптираат на специфичното работно време. Од аспект на компанијата, постојано го имаме предвид овој факт, кој не ретко знае да претставува една од поголемите пречки во процесот на регрутација. Тоа е и една од причините поради кои непрекинато се трудиме да обезбедиме што е можно подобри услови за работа, конкурентни компензациски пакети и разни придобивки за нашите вработени.

Банкарство: Како се одвива процесот на регрутација на кадар, што очекувате од вработените и низ кои фази поминуваат кандидатите додека добијат понуда за работа?

Влатко Палчевски: Што се однесува до процесот на регрутација, уште од самиот почеток Пантелеон ГС ги усвои добрите практики кои долги години наназад ги користат компаниите во САД за кои што работиме. Главните приоритети во процесот на селекција на потенцијалните кандидати се првично елиминирање на субјективното одлучување – што го надминуваме преку користење на софтверски платформи за профилирање на кандидатите кои се покажуваат како исклучително корисна алатка, како и скратување на целиот процес на регрутација само на неколку неопходни чекори. Сето ова ни овозможува поголема оперативност на страната на компанијата, а и попријатно искуство за сите кандидати.

Банкарство: Што можеме да очекуваме од Пантелеон ГС во иднина, од аспект на тоа каде сака да се позиционира вашата компанија кога е во прашање градењето на квалитетен тим на задоволни вработени?

Влатко Палчевски: Сето ова има совршена аргументација во она што е и мое лично и силно убедување, а и на целокупниот менаџмент тим на Пантелеон ГС, дека вложувајќи и градејќи посилен тим на професионалци ние и помагаме не само на нашата компанија, туку и пошироко на локалната заедница и на нашата земја.

Пантелеон ГС има сериозна намера да остави значаен белег на домашниот пазар преку креирање на нови вредности кои ќе бидат трајни и да ја приближи Македонија кон најразвиените светски пазари.

Интервјуа

Интервју | ЉУПКА ЃОРГИЕВСКА: НЛБ Банка е финансиски супермаркет на иновативни штедни продукти

Објавено

на

По повод месецот на штедење, кога се одбележува и меѓународниот ден на штедење (31 октомври) Банкарство спроведува низа интервјуа со посебен осврт на депозитите и штедењето.

На тема штедење и неговото значење за економијата, движењето на каматните стапки, алтернативите за штедење кои се достапни на пазарот, сигурноста на депозитите и банките и новитетите во овој сегмент разговараме со г-ѓа Љупка Ѓоргиевска, Помошник на Управниот одбор на НЛБ Банка АД Скопје. (more…)

Продолжи со читање

Интервјуа

Интервју | ЕМИЛИЈА НАЦЕВСКА, ВИЦЕГУВЕРНЕР НБ: И во услови на криза, депозитите растат – расте и денарското штедење

Објавено

на

Светот неколку години по ред се соочува со различни кризи, а овие случувања не ја заобиколија ниту Македонија, граѓаните на овие случувања реагираа на различни начини, но монетарната политика е соодвено поставена и ликвидноста на банкарскиот систем е во добра кондиција.

На тема справувањето со овие кризи од аспект на монетарната политика, улогата на основната каматна стапка во дефинирањето на ценовната стабилност, фиксниот девизен курс, движењето на депозитите и очекувањата за економскиот раст во периодот што следи разговараме со г-ѓа Емилија Нацевска, Вицегувернер на Народната банка на Република Северна Македонија. (more…)

Продолжи со читање

Интервјуа

Интервју | ДИМИТАР РИЗОВ, КАПИТАЛ БАНКА: Се повеќе клиентите се ориентираат кон онлајн депозитите

Објавено

на

По повод месецот на штедење, кога се одбележува и меѓународниот ден на штедење (31 октомври) Банкарство спроведува низа интервјуа со посебен осврт на депозитите и штедењето.

На тема штедење и неговото значење за економијата, движењето на каматните стапки, алтернативите за штедење кои се достапни на пазарот, сигурноста на депозитите и банките и новитетите во овој сегмент разговараме со г-дин Димитар Ризов, Директор на Сектор за физички лица во Капитал Банка АД Скопје. (more…)

Продолжи со читање

Популарно