„Credit Suisse” доби намалување на кредитниот рејтинг од реномираната компанија за кредитен рејтинг „Fitch”.

Ова е второ намалување на рејтингот за швајцарскиот банкарски гигант оваа недела, откако претходно истото го стори и „Standard & Poor’s”, додавајќи дополнителен притисок врз „Credit Suisse”. Банкарскиот гигант е под сериозни критики поради големите загуби кои ги бележи на последните финансиски извештаи, како и поради низата на скандали поврзани со оваа банка.

„Fitch” го намали долгорочниот кредитен рејтинг на „Credit Suisse” од „А-” на „БББ+” поради неисполнување на обврските, укажувајќи на слабостите во нејзината оперативна профитабилност, неефикасното реструктурирање во тешко пазарно опкружување, како и слабото управување со ризик.

„Намалувањето на рејтингот го одразува ставот на „Fitch” дека слабата оперативна профитабилност на „Credit Suisse” во споредба со врсниците го нагласува ризикот од извршување за време на реструктуирањето на групата во тешко пазарно опкружување и укажува на предизвиците за банката да ги зајакне своите перформанси во следните 24 месеци, како и за нејзиното управување со ризик“, се вели во соопштението на „Fitch Ratings” во средата.

Промената следи по намалувањето на рејтингот во вторник од страна на „Standard & Poor’s” (S&P), што го намали кредитниот рејтинг на банката на „BBB” од „BBB+”. „Fitch” соопшти дека намалениот рејтинг на „Credit Suisse” сега има „доволен простор за да издржи период на послаба профитабилност доколку групата ја задржи својата франшиза“, менувајќи ја својата перспектива во стабилна од негативна.