Connect with us

Домашни банки

#EdgarsChristmas (Божиќот на Едгар): Посебна божиќна реклама за оваа невообичаена година

Објавено

на

Веќе трета година по ред, Групацијата Ерсте подготви анимирана реклама посебно наменета за божиќните празници, што несомнено ќе Ви го привлече вниманието со својата креативност.

Банкарската групација со седиште во Виена ја објави приказната за тоа како Едгар го прослави Божиќ (#EdgarsChristmas) под хаштагот #верувајвосебе (#believeinyourself), преку медиумски канали на единаесет пазари во Централна и Источна Европа и ѝ ја претстави на глобалната публика преку социјалните мрежи. Групацијата Ерсте се етаблираше како еден од најуспешните брендови
во светот кога станува збор за божиќни реклами. Рекламите стекнаа масовна популарност и се прегледани преку 180 милиони пати. И овој пат, Jung von Matt DONAU беше креативно одговорен за продукцијата.

Приказната за тоа како Едгар го прослави Божиќ (#EdgarsChristmas) може да ја погледнете на Facebook, YouTube и Twitter.

Короната ни наложи нов контекст

Оваа година, без сомнение беше потешко да се утврди почетната точка за емотивна божиќна приказна од која било претходна година. Глобалната пандемија предизвикана од корона вирусот остави белег на сè и на секого, а креаторите на #EdgarsChristmas сакаа да го прикажат тоа во својот проект.

„Осаменоста и изолираноста беа теми што ја одбележаа оваа пандемска година. За жал, ваквата состојба ќе продолжи за повеќето од нас и во текот на божиќните празници, празници кои вообичаено можеме да ги поминеме блиску до своите семејства и пријатели. Сакавме да покажеме што сè е можно кога луѓето си помагаат едни на други и си даваат поддршка, кога веруваат во себе и во другите, особено во вакви тешки времиња“, вели Мартин Раџаби-Расет, Директор за управување со брендот на групацијата Ерсте.

Докажан тим на креативци

И овој пат, Jung von Matt DONAU е одговорен за креативната реализација на најновата божиќна реклама на Групацијата Ерсте. Креативниот режисер Мајкл Наги изјави: „Откако направивме две екскурзии во светот на анимираните животни, оваа година обработуваме тема што секоја година е важна за Божиќ, но е уште поважна во овие невообичаени времиња – а темата е: да си помагаме едни на други. Токму тоа е мислата што ја води Мари, негувателката полна со оптимизам и енергија, која не сака да прифати дека композиторот Едгар, кого староста го довјасува, сè повеќе се повлекува во себе додека постепено го губи слухот. Со помош на другите станари во домот за стари лица, Мари успева да го стопли срцето на Едгар и да овозможи тој да ужива во многу посебна прослава на Божиќ.“

Успешна божиќна приказна

По „Ежот Хенри“ (Henry the Hedgehog) (2018 г.) и „Бумбарчето Хана“ (Hanna Bumblebee) (2019 г.), „Божиќот на Едгар“ (#EdgarsChristmas) е третата меѓународна божиќна реклама што Групацијата Ерсте ја прави заедно со Jung von Matt DONAU. Предизвикот да се направи подеднакво добра реклама оваа година беше многу тежок, со оглед на тоа што претходните две божиќни видеа се прегледани преку 180 милиони пати.

Домашни банки

Стопанска банка АД – Скопје од денес започна со исплата на парична помош од социјална и детска заштита

Објавено

на

Стопанска банка АД – Скопје ги информира своите клиенти дека денес, 04.03.2021 (четврток)изврши процесирање на паричните средства за социјална, детска и цивилна заштита, при што за клиентите – корисници на дебитни картички,средствата се веќе достапни за располагање САМО во трговија и на банкоматите. (more…)

Продолжи со читање

Домашни банки

НЛБ Банка од денес започна со исплата на парична помош од социјална и детска заштита

Објавено

на

НЛБ Банка ги известува своите клиенти дека паричната помош од социјална и детска заштита ќе ја исплати денес, 4– ти март. (more…)

Продолжи со читање

Домашни банки

Драгољуб Арсовски го зголемува својот акционерски капитал во ТТК Банка АД Скопје

Објавено

на

ТТК Банка АД Скопје преку известување на Македонска берза информира дека претседателот на Управниот одбор на банката, д-р Драгољуб Арсовски се стекна со 500 обични акции издадени од ТТК Банка АД Скопје. (more…)

Продолжи со читање



Популарно