Како резултат на иновативните решенија и беспрекорната услуга во e-commerce работењето, Комерцијална банка и оваа година се стекна со признание од светскиот aвторитет во дигиталните плаќања, Visa.

Visa ѝ додели на Комерцијална банка признание за остварен најголем раст во прифаќањето картички во електронската трговија во земјава во 2022 година.

Задоволството и гордоста од добиената награда се дотолку поголеми затоа што таа е епилог на довербата на клиентите, кон кои Банката е постојано посветена со понуда на иновативни производи и услуги кои ги задоволуваат новите потреби на пазарот, каде безготовинските плаќања станаа доминантни.

E-commerce услугата на Банката е современо дигитално решение со кое Комерцијална банка им овозможува на трговците да вршат продажба 24/7 на купувачи од целиот свет. Комерцијална банка останува посветена на натамошен развој на услугата со цел пружање најсовремени решенија за онлајн продажба на сите видови трговци.