Connect with us

Странски банки

Credit Suisse затвора 37 филијали низ целата земја

Објавено

на

Швајцарската банка „Credit Suisse“ објави дека планира да затвори 37 филијали во матичната земја, како дел од напорите да го направи работењето  поефикасно, додавајќи дека затворањето на голем број работни места е неизбежно.

Банкарскиот гигант изјави дека најавените измени треба да бидат реализирани до крајот на тековната година, со што ќе се намали бројот на филијали во Швајцарија на 109 од сегашните 146.

Дел од ова намалување се должи на спојувањето на работењето на нивната подружница „Neue Aargauer Bank AG”, во северниот кантон Арау, со работењето на „Credit Suisse”. Банката во соопштението додаде дека во последните две години бележи пораст на употребата на онлајн банкарството за 40 проценти, додека употребата на својата услуга за мобилно банкарство е зголемена повеќе од двојно.

Исто така, во соопштението банката нагласува дека корона кризата дополнително ги забрза овие трендови и дека бројот на посети на клиентите на филијалите опаѓа со години наназад.

Швајцарскиот кредитор е дециден на ставот дека „намалувањето на вработените е неизбежно“ и во „Neue Aargauer Bank AG” и во „Credit Suisse”, но не објави конкретни бројки, истакнувајќи дека се водат разговори со претставниците на вработените за да се најдат работни места за што е можно повеќе луѓе во друга банкарска групација или на друго место.

„Credit Suisse” предвидува дека ќе ги намали трошоците и ќе успее да заштеди околу 100 милиони швајцарски франци (110 милиони долари) почнувајќи од 2022 година.

Странски банки

Светска банка: Јавниот долг драстично се зголемува бидејќи македонската економија силно е погодена од Ковид-19

Објавено

на

Светската банка не е загрижена за зголемувањето на јавниот долг во земјата. Оттаму истакнуваат дека иако јавниот долг за една година се зголемил за 10 – 11% од БДП и проценуваат годинава да достигне до 61.6% од БДП, сепак очекуваат дека буџетската дупка ледната година ќе се намали. (more…)

Продолжи со читање

Криптовалути

Кина им подели по 25 евра на граѓаните на Шенжен за популаризација на дигиталната валута

Објавено

на

Кинеските власти на 50.000 жители на Шенжен избрани по случаен избор им поделија дигитални валути во вредност од 10 милиони јуани, што е еднакво на околу 25 евра по лице. (more…)

Продолжи со читање

Странски банки

Французинката Одил Рено-Басо е нова директорка на Европската банка за обнова и развој (ЕБОР)

Објавено

на

Европската банка за обнова и развој (ЕБОР) ја избра денеска Французинката Одил Рено-Басо за нова директорка, на своето Генерално собрание кое се одржува виртуелно поради пандемијата на Ковид-19. (more…)

Продолжи со читање

Популарно