Connect with us

Останато

Cashback World ги изненади своите онлајн купувачи со паметен „plug-in“ за пребарувачите

Објавено

на

Со новиот plug-in „Cashback Helper“, интернационалната шопинг заедница Cashback World станува уште поголем извор на возбуда за своите 11 милиони членови од 47 земји ширум светот. Оваа практична алатка им помага на онлајн купувачите никогаш повеќе да не пропуштат некоја од шопинг придобивките на Cashback World.

Членовите на Cashback World добиваат до 5% поврат на средства и шопинг поени за секое купување во еден од 120-те илјади лојални трговски партнери ширум светот, што понатаму можат да ги искористат за некоја од атрактивните зделки и понуди на трговските партнери.

Благодарение на новиот Cashback Helper – plug-in за Firefox, Chrome и Safari, сега е дури и полесно онлајн купувачите да ги искористат овие придобивки.

Оваа алатка ги информира купувачите преку самиот Google пребарувач дека компанијата која ја пребаруваат е трговски партнер на Cashback World и им покажува на корисниците колкав поврат на средства или шопинг поени имаат собрано, или пак дали тој трговски партнер има некоја атрактивна зделка која може во моментот да ја искористат. Откако корисникот ќе го пронајде саканиот трговски партнер, единствено треба да кликне на копчето Activate Cashback со цел да може да ги користи придобивките при купување со Cashback World. Фактот дека повеќе не е неопходно претходно да бидете логирани на cashbackworld.com, говори за тоа колку е всушност едноставно користењето на новиот plug-in – доволно е само да се најавите директно на Cashback Helper апликацијата.

И не само тоа, туку и минималистичкиот, чист дизајн ги прави релевантните информации уште полесни за пронаоѓање – прикажувајќи ги топ трговските партнери, новите трговски партнери и нивните актуелни кампањи. Потрагата по посакуваниот „онлајн“ или „офлајн“ лојален трговски партнер станува еднакво едноставна, односно преку кликнување на симболот лупа во горниот десен агол, посакуваната продавница се наоѓа многу бргу. За сите фанови на А.С. Roma, MotoGP™ и сите останати реномирани лојални трговски партнери на Cashback World, алатката Cashback Helper постои и во дизајн на нивниот омилен клуб.

Повеќе информации за Cashback се достапни на www.cashbackworld.com/mk

Cashback World, дел од Групацијата myWorld, e меѓународна шопинг заедница која им нуди на своите членови атрактивни шопинг придобивки во форма на поврат на парични средства, или пак шопинг поени кои понатаму може да се користат за различни пазарувања. Cashback World комбинира реален и дигитален шопинг, кој всушност го претвора пазарувањето во искуство. Како најголема шопинг заедница, Cashback World нуди на своите членови можност да заштедат пари кога пазаруваат во над 120 илјади места ширум целиот свет. Во Македонија, Cashback World е распространета во повеќе од 2000 различни продавници и објекти, во сите трговски сектори, почнувајќи од прехранбени производи, бензински пумпи, ресторани и барови, преку мебел и домаќинство, производи за нега и убавина, облека и чевли, па сѐ до автомобили, градежништво, одмор и релаксација и најразлични видови услуги.

Останато

Арсовска со висока награда во Дубровник: „Трите К“ – најголем предизвик за претприемачите

Објавено

на

Сојузот на стопански комори (ССК) учествува на 6. Регионален самит на претприемачи кој на високо ниво се одржува во Дубровник, Хрватска. Претседателот на ССК, Данела Арсовска,  учествува на панел сесијата посветена на улогата на деловните организации во развој на претприемништвото  на национално ниво и предизвиците со кои претприемачите се соочуваат. (more…)

Продолжи со читање

Останато

Градежна комора: Растот на трошоците го диктира растот  на цената на квалитетните станови

Објавено

на

Градежната комора на Македонија информира дека трендот на пораст на трошоците за градежни материјали, но и за вработените во градежните компании се случува во континуитет. Последните податоци на Државниот завод за статистика (ДЗС) само ја потврдуваат состојбата и покажуваат дека трошоците во градежништвото за нови објекти за индивидуално домување во четвриот квартал од минатата година во однос на тој квартал од претходната година, се повисоки за 5,9 отсто, трошоците за материјали се повисоки за 3,2 отсто и трошоците за вработените се повисоки за 13 отсто. (more…)

Продолжи со читање

Останато

Тевдовски: Бесплатни банкарски сметки за ранливите категории

Објавено

на

Бесплатни банкарски сметки за ранливите категории е предвидено во работната верзија на Законот за платежни услуги и платни системи што го подготвува Министерството за финансии во соработка со Народна банка, најави денеска министерот за финансии Драган Тевдовски на потпишување на Меморандум за финансиска инклузија.

“Работната верзија предвидува сметката со основни функции да биде бесплатна за ранливите категории, односно по закон ќе добијат бесплатни услуги за отворање, водење сметка, уплати и исплати. За останатите потрошувачи, платежната сметка со основни функции ќе биде со разумен надоместок. Ќе напоменам, дека за да се отвори сметката, граѓаните не треба да поседуваат друга сметка со основни функции на свое име, како и дека на оваа сметка нема да можат да одат во минус”, изјави министерот за финансии Тевдовски.

Исто така, се воведуваат решенија во Законот за платежни услуги и платни системи, што ќе доведат до либерализација на пазарот на платежни услуги. Ова ќе придонесе за засилена конкуренција и нови, иновативни начини на плаќање, лесно достапни и со помали трошоци, рече Тевдовски.

Тевдовски посочи дека ова е првиот чекор кон поголема финансиска инклузија, што предвидува сите да имаат пристап до финансиски услуги и тоа на лесно достапен, безбеден начин и под прифатливи цени.

“Придобивките од финансиската инклузија се повисок раст на БДП и помала доходовна нееднаквост. Анализите на Меѓународниот монетарен фонд покажуваат дека преку обезбедување на пристап до сметки, кредити, за жените, за ранливите категории, се овозможува побрз и поинклузивен економски раст. Друга придобивка од финансиската инклузија е дека таа привлекува повеќе луѓе во формалниот сектор, што во фискалниот дел значи повеќе приходи во буџетот. Повеќе приходи во буџетот пак значат подобро здравство, образование, инфраструктура и други јавни услуги”, рече Тевдовски.

Финансиската едукација е исто така значаен инпут во финансиската инклузија, рече министерот за финансии. Тој ги повика заинтересирани училишта кои би сакале да организираат посети за учениците на Министерството за финансии или да им се организираат предавања во училиштата, да се пријават на маилот edukacija@finance.gov.mk.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange