Connect with us

Компании

Audi и Huawei ќе работат заедно на технологија за поврзување за автомобили

Објавено

на

Откако најави дека ќе предложи автомобили со Android и ќе работи со Nvidia по вештачка интелигенција за автомобили, Audi потпиша договор со уште еден партнер – Huawei. Кинеската компанија е трет по големина производител на паметни телефони и комуникациски технологии по Apple и Samsung. Со помош на Huawei, Audi ќе развие интелигентна технологија за автомобили, вклучувајќи за автономни системи и поврзани услуги, користејќи go новиот стандард LTE-V за автомобили.

Интелигентното поврзување на возилата овозможува важни информации да се делат со околината. За да се постигне ова, на автомобилите им треба висококвалитетна и стабилна конекција, а проширувањето на овој вид на комуникација бара интензивно истражување и развој.

„Ние имаме намера и понатаму да се зајакнува стратешката соработка во областа на интелигентно поврзување на возилата со компанијата Huawei“, вели Сад Мец, потпретседател на кинескиот оддел на Audi, и додава: „Нашата цел е да се подобри безбедноста и да се оптимизира сообраќајот, за да можеме да креираме интелигентни градови. Овој концепт првично ќе биде фокусиран само на Кина”.

Компаниите Audi и Huawei се надеваат дека нивната соработка уште повеќе ќе го забрза развојот на технологијата за автономно возење и развојот на се поголем број на дигитални услуги. Двете компании се согласиле да развиваат и тренинг програми за подобрување на вештините на технолошките експерти во двете области.

Компании

Airbnb со поголема заштита на правата на потрошувачите

Објавено

на

Airbnb ги прифати барањата на ЕУ (откако Европската комисија и органите за потрошувачи на ЕУ во јули поднесоа жалба против компанијата), предизвикани од загриженоста дека корисниците можат да бидат збунети со комплицираната структура на цени, кои можат да вклучуваат неочекувани трошоци, како наплата на чистење на крајот на престојот.

(more…)

Продолжи со читање

Компании

Џек Ма: трговската војна ќе затвори работни места

Објавено

на

Претседателот на кинескиот гигант во електронската трговија „Alibaba Group Holding“, Џек Ма изјави дека комерцијалните проблеми меѓу САД и Кина можат да продолжат две децении, пренесува „Ројтерс“.

Шефот на Алибаба го привлече вниманието на почетокот на минатата година кога по средбата со Доналд Трамп по неговиот избор за претседател на САД амбициозно се обврза дека ќе создаде милион работни места во Америка.

Меѓутоа, во интервју за кинеската државна агенција Синхуа, Ма кажа дека брановите од нови царини кои ги наметнаа Вашингтон и Пекинг во последните месеци го поткопале тој план.

„Ветувањето беше дадено врз основа на пријателската соработка меѓу Кина и САД и разумните билатерални трговски односи, но актуелната ситуација веќе ја уништи таа основа. Ветувањето не може да биде извршено“, кажа Ма.

Портпаролот на Алибаба, најголемата кинеска компанија за онлајн трговија, ја потврди изјавата на Ма.

Аналитичарите веќе изразија сериозни сомнежи околу ветувањето, кое Алибаба го најави откако Трамп и Ма се запознаа во Трамп тауер во Њујорк во јануари 2017.

Како што се наведува, нејасното ветување на Џек Ма не е засновано врз инвестирање на Алибаба во САД за изградба на фабрики и други реални инвестиции. Наместо тоа, тој зборуваше за стимулирање на трговијата со тоа што ќе им помага на американските мали претприемачи да ги продаваат своите производи во Кина и во Азија.

Алибаба минатата година одржа голема конференција во Детроит за да ги поттикне малите американски претпријатија и земјоделци своите производи да ги пласираат на кинеските потрошувачи преку својата платформа.

Компанија не одговори на барањето за информации колку американски работни места се создадени досега преку таа иницијатива.

Продолжи со читање

Компании

Nokia затвара 500 работни места

Објавено

на

Во рамки на програмата за штедење, Nokia затвори 250 работни места во Непервил, САД. Се очекува во најкраток можен рок да бидат затворени уште 250 работни места, според истражувањето на Ројтерс.

Од Nokia ја потврдиле информацијата за гасењето на работните места во рамки на глобалниот план на компанијата за намалување на трошоците, но не го соопштиле точниот број.

Се очекува Nokia да оствари годишна заштеда од 1,2 милијарди евра до крајот на годината, по аквизицијата на својот поранешен француско-американски ривал „Алкател-Луцента“ во 2016 година.

„Во рамки на програмата за штедење го намаливме бројот на вработени во Илиноис. Податоците за обемот на намалувањето и за сегашниот број на вработени во Илионис не  се за објава“, рекле од компанијата.

Nokia на крајот на минатата година имаше околу 103 илјади вработени.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange