Connect with us

Анализи

Петте најголеми банки поседуваат 81,3% од вкупната банкарска актива, ќе успеат ли помалите банки да конкурираат во иднина?

Објавено

на

Банкарскиот сектор во Македонија се окрупнува во последните две години, кога во 2020 година згасна Еуростандард Банка АД Скопје, додека во 2021 година Охридска банка АД Скопје се припои кон Шпаркасе Банка.

Широката експертска јавност, говореше за потребата на окрупнување на капиталот во банкарскиот сектор подолг период, уште од времето кога Гувернер на НБ беше Димитар Богов, но во неговиот мандат до такво окрупнување не дојде.

Гувернерката Анита Ангеловска-Бежоска во нејзиниот мандат одзеде една лиценца за работа, онаа на Еуростандард банка, додека исто така во нејзиниот мандат се случи интеграцијата на Шпаркасе и Охридска во една банка.

Анализирајќи ја активата на банките со датум 30.09.2021 година, на првите три позиции последователно се наоѓаат Комерцијална банка, Стопанска банка и НЛБ Банка. Секоја од овие банки поединечно го надминува износот од 100 милијарди денари актива.

По интеграцијата на Шпаркасе Банка Македонија АД Скопје и Охридска банка АД Скопје, во еден ентитет под името Шпаркасе банка АД Скопје, консолидираната банка ја презема четвртата позиција по вкупна актива, пред Халкбанк АД Скопје која сега е на 5-тата позиција.

Пазарното учество во вкупната актива на петте најголеми банки изнесува неверојатни 81,3%. Во оваа група на најголеми пет банки спаѓаат Комерцијална банка, Стопанска банка, НЛБ Банка, Шпаркасе банка и Халкбанк.

Сите останати осум системски банки имаат вкупно пазарно учество од 18,7%, а дури седум банки имаат почединечно пазарно учество помало од 5%. Една банка има дури и пазарно учество помало од 1%, односно 0,5%.

Големите банки имаат конкурентска предност во однос на останатите, помали банки, пред се кога е во прашање можноста да понудат поконкурентни каматни стапки на активата и пасивата и поради тоа се отвора прашањето дали помалите банки ќе можат да конкурираат на поголемите или неминовно се наметнува дополнително окрупнување на банкарскиот капитал.

Преземањето на оваа содржина не е дозволена без согласност од Редакцијата на Банкарство.мк

Анализи

Македонците најмногу купувале онлајн од Обединетото Кралство, Ирска и Унгарија

Објавено

на

Согласно објавените податоци од Народната Банка на Република Северна Македонија, Асоцијацијата за е-трговија на Македонија – АЕТМ го анализираше бројот и вредноста на реализирани онлајн трансакции со домашни платежни картички кон странски е-продажни места со цел да се креира слика каде најчесто Македонците купувале онлајн во текот на 2021 година. (more…)

Продолжи со читање

Анализи

АНАЛИЗА: Триглав Осигурување Живот со двојно повисок удел на пазарот – високи 17% во првиот квартал од 2022 година

Објавено

на

Иако последните години се покажаа како исклучително тешки поради негативните влијанија и отежнато работење предизвикани од пандемијата како и политичката и економска криза во Европа, сепак пазарот на животно осигурување во земјава е во значителен пораст. Според прелиминарните податоци добиени од Националното биро за осигурување, бруто полисираната премија за животно осигурување за првиот квартал од 2022 година бележи пораст за 19,20% споредбено со истиот период во 2021 година, во вкупен износ од 494 милиони денари, што покажува дека животното осигурување полека но сигурно го зазема местото на еден од примарните избори за осигурување на граѓаните во земјата. (more…)

Продолжи со читање

Анализи

Кругман: Очекувам инспиративна дискусија на СЕФФ

Објавено

на

Нобеловецот, професор и истакнат американски економист Пол Кругман, кој в понеделник ќе има обраќање на конференцијата „Одржување на растот во време на неизвесност и потоа“ на Скопје економски финансиски форум, очекува инспиративна дискусија на актуелни економски теми. На учесниците на форумот и на економската јавност во нашата земја Кругман им се обрати преку видеопорака. (more…)

Продолжи со читање


Популарно