Порталот Analitika.mk изработи детална анализа за компаниите кои нудат брзи кредити и нивните приходи. Целосната анализа можете да ја погледнете на веб страната на Analitika.mk.

Во изминатите неколку години, финансискиот систем во Македонија беше засилен со неколку финансиски друштва со основна дејност микрофинансирање, кои се познати по концептот на “брзо одобрување на микро кредити“.

Тие за мошне краток временски период успеаа да станат актуелни, особено кај населението. Поради тоа, “Таргет Груп“ спроведе детална анализа на петте финансиски друштва кои се лидери согласно висината на приходите.

Од анализираните, четири финансиски друштва се лоцирани во Скопскиот регион, едно во Пелагонискиот регион. Сите пет финансиски друштва кои се “иновација“ на финансискиот пазар во земјава, формирани се во период од 2014-та до 2017-та година.

Согласно билансите, три компании во последните две година прикажале добивка, додека две финансиски друштва прикажале загуби.

На прво место според висината на приходите е финансиско друштво ИУТЕ КРЕДИТ МАКЕДОНИЈА ДООЕЛ Скопје, лоцирано во Скопје, формирано на 25 јули 2017 година.

На второ место според висината на приходите е финансиското друштво КРЕДИСИМО ДООЕЛ Скопје формирано во јули 2016 година и има бугарски сопственик.

Со приход од скоро 1,2 милиони евра во календарската 2018 та година, финасиското друштво СН ФИНАНСИИ ДОО Битола, единствено што е надвор од Скопскиот регион, е рангирано на трето место. Оваа фирма е основана на крајот од 2016 година и има пет подружницижи а е во сопственост на македонски бизнисмен.

На четврто место според висината на остварените приходи е финансиското друштво М КЕШ Македонија ДООЕЛ Скопје – уште една фирма од Скопскиот регион формирана во јули 2014 та година. И оваа фирма е во рацете на бугарски бизнисмен.

На петто место со вкупни приходи во економската 2018 тагодина е финансиското друштво ДИЏИТАЛ ФАЈНАНС ИНТЕРНЕШНАЛ ДООЕЛ СКОПЈЕ, формирано на крајот од октомври 2016 та година, а како дел од него се уште четири подружници. Ова финансиско друштво е во рацете на македонски бизнисмен.

За целосната анализа посетете ја веб страната Analitika.mk.