Connect with us

Компании

Amazon го купува PillPack за 1 милијарда долари во кеш

Објавено

на

Amazon склучи договор за спојување со онлајн аптеката PillPack на крајот на јуни, а повеќето од нив се фокусирани на тоа што ова значи и за фармацевтската индустрија и за малопродажбата.

PillPack и Walmart со месеци разговараа за аквизиција за помалку од 1 милијарда долари, но Walmart како да се колебаше за да направи конечна понуда, па го одолговлекуваше тоа. Кога CNBC го објави договорот на почетокот од април, Amazon настапи со понуда за околу 1 милијарда долари во готовина.

PillPack, собираше финансиски средства претходно во текот на годината, за да можеда помине во следната фаза на раст, додека пак почна да бара купувач.

PillPack одби да коментира на сето ова.

PillPack има лиценца за работа во сите 50 држави во САД и има други акредитации како URAC и VIPPS.Она што Амазон се стреми во периодов, е да добие фармацевтски лиценци во 49 американски држави, со исклучок на Хаваите.

PillPack, кој уредно пакува и испорачува лекови низ целата земја, исто така има договор со пошта со Express Scripts, кој управува со лекови на рецептa во име на осигурениците и е најголемиот менаџер на САД за фармацевтски бенефиции.

Договорот на PillPack е потенцијална закана за аптеките и трговците на мало кои се движат од CVS до Walmart.

Амазон со месеци се подготвува за преселба во фармацевтската индустрија, преку разговори со експерти за снабдување со лекови. Но, потегот да се купи PillPack го става Амазон и нејзиното партнерство да ја нарушат здравствената заштита со Џ. П. Морган и Беркшир Хатавеј. Главниот извршен директор на таа групација, Атул Гаванде, веќе јасно стави до знаење дека влогот ќе има за цел да посредува со фокус на иновативната нова технологија.

,,PillPack прави поедноставно за секој клиент – да го земе вистинскиот лек, во вистинско време и да се чувствува поздраво. Заедно со Амазон, ние сакаме да продолжиме да работиме со партнери во здравствената индустрија за да им помогнеме на луѓето низ цела Америка, кои можат да имаат корист од подобро аптекарско искуство”. –  вели TJ Паркер, ко-основач и извршен директор на PillPack.

Компании

Нов Зеланд: помалку работни денови за поголема продуктивност

Објавено

на

Компанијата од Нов Зеланд, која во март ја намали работната недела на четири дена, постигна необичен успех. Дури 78 отсто од вработените сметаат дека успеале да постигнат рамнотежа помеѓу работниот и приватниот живот, што претставува зголемување за 24 процентни поени.

240 вработени во „Перпетуал Гардијан“, компанија која управува со фондови и планирање на недвижнини, ја тестираа четиридневната работна недела во текот на март и април, работејќи четири дена по осум часа, но добивале плата за пет.

Џерод Хар, професор за управување со човечки ресурси на Технолошкиот универзитет во Окленд, откри дека задоволството од работата и животот се зголемило на сите нивоа во домот и на работното место, при што вработените подобро ги извршувале своите работни места и уживале повеќе отколку пред експериментот.

Во ноември минатата година нешто повеќе од половината (54%) од персоналот сметале дека можат ефикасно да ги балансираат своите работни и домашни обврски, додека по тестирањето овој број се искачил на 78%.

Продолжи со читање

Компании

“Swatch” со рекордни приходи во првата половина од 2018 година

Објавено

на

Швајцарскиот гигант за часовници објави рекордни приходи во првата половина од годината.

“Swatch” е препознатлив по своите пластични часовници со енергични бои, но исто така поседува и неколку луксузни брендови, вклучувајќи ги и “Breguet” и “Omega”.

Компанијата бележеше пад во продажбата годините наназад бидејќи купувачите од целиот свет се ориентираа кон паметните телефони и паметните часовници.

Ситуацијата сега е обратна поради високата побарувачка за часовници во Азија и Северна Америка. Нето продажбата се зголеми за 14,7 % и изнесуваше 4,27 милијарди франци.

Нето добивката се зголеми за 66,5 % на 468 милиони франци, а оперативната добивка се зголеми за 69,5 % и изнесува 629 милиони франци.

Компанијата додаде дека очекува дополнителен раст на продажбата во втората половина од годината.

Продолжи со читање

Компании

Amazon заработи 2 милијарди долари за 36 часа!

Објавено

на

Неодамна пишувавме како сопственикот на Amazon Џеф Безос е најбогатиот човек на модерното општество. Имено тој го надмина богатството на Бил Гејтс.

Иако започна со недостапен сајт и краш на платформата, Prime Day на Amazon сепак беше успех.

Најголемата онлајн продавница за еден и пол ден успеа да продаде 100 милиони производи. Можеби и паѓањето на вебсајтот беше најдобар показател за оптоварувањето на платформата.

Дел од производите кои беа на продажба, пример Amazon Echo поставија рекорди за најмногу продадени уреди во еден ден.

Компанијaта во период од овие 36 часа најверојатно заработи помеѓу 1,5 и 2 милијарди долари за време на промоцискиот Prime Day , имајќи предвид дека купувачите од целиот свет купија повеќе од 100 милиони производи.

Овие бројки се само претпоставка со оглед на тоа дека вкупната продажба во овие 36 часа беше 3,5 милијарди.

Најпродавани беа уредите на Amazon за гледање телевизија, Fire TV Stick со далечинскиот управувач Alexa Voice Remote, како и паметните звучници Echo Dot.

Ова предизвика акциите на компанијата да скокнат за околу 0,5 % во почетокот на тргувањето на Волстрит, на рекордно високо ниво од 1,858.88 долари, според „Ројтерс“.

 Годинашниот Prime Day почна на 16 јули и траеше 36 часа.

Од Amazon изјавија дека имаат продадено повеќе од еден милион паметни домашни апарати во САД.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange