Connect with us

Електронско банкарство

Асоцијацијата за е-трговија воведува „беџ за верификуван е-трговец“

Објавено

на

Асоцијацијата за е-трговија на Македонија воведува „Беџ за верификуван е-трговец”, кој ќе овозможи јасна дистинкција на онлајн продавниците кои се регистрирани субјекти и ги исполнуваат основните правила и законски прописи од останатите онлајн продавници кои не се целосно усогласени или пак воопшто не се регистрирани и се дел од сивата економија.

Беџот за верификација е дел од иницијативата „Е-трговија за сите“, која е поддржана од Проектот на УСАИД за развој на деловниот екосистем, има за цел да ги доближи до граѓаните онлајн продавниците кои ги исполнуваат неопходните регулативи за работење во е-трговијата и да одигра едукативна улога за компаниите кои работат со е-трговија односно да ги мотивира постоечките е-трговци да ги имплементираат сите правила и прописи во своето работење.

Главна причина за започнување со оваа активност, како што велат од Асоцијацијата за е-трговија е потребата за зголемување на довербата во онлајн продавниците од една страна, но и потребата за зголемување на свеста кај купувачите и правење разлика помеѓу регистрирани е-трговци и нерегистрирани субјекти кои учествуваат во онлајн продажбата (како дел од сивата економија) и претставуваат нелојална конкуренција за регистрираните е-продавници.

Во време кога е-трговијата зема сѐ поголем замав, а луѓето сѐ повеќе се охрабруваат да купуваат онлајн,важно е купувачите да можат да ги разликуваат онлајн продавниците кои ги исполнуваат основните правила и прописи, од оние кои се или неусогласени согласно регулативата или пак се дел од сивата економија. Потребно е купувачите да се свесни од каде купуваат или прават нарачки со цел да се заштитат и самите од било какви идни потешкотии (како враќање на производот доколку не се задоволни). Купувачите треба да знаат и дека кога купуваат од нерегистрирани субјекти (на. пример преку социјални медиуми) немаат заштита согласно Законот за заштита на потрошувачи.“ – велат од АЕТМ.

Беџот ќе биде визуелна ознака која ќе биде поставена на веб страниците на домашните е-продавници, која ќе им помогне на купувачите полесно да проценат дека станува збор за регистриран правен субјект кој ги има имплементирано сите неопходни законски регулативи во работењето.

Овој беџ не ги опфаќа сите е-трговци во нашата земја и истиот ќе биде поставен само кај е-трговците кои самостојно ќе аплицираат за ваков беџ за верификација, а во исто време ги поминале соодветните проверки од АЕТМ за неопходни регулативи и обврски за работењето во е-трговијата.“ – дополнуваат од Асоцијацијата.

Помеѓу условите кои еден е-трговец треба да ги исполнува се: да има објавено седиште и адреса, контакт податоци (е-маил адреса), даночен број – ако е-трговецот е ДДВ обврзник, да има поставена политика за враќање на производите, политика за заштита на лични податоци, да поседува ССЛ сертификат, да ги има јасно и транспарентно објавени цените на производите и услугите итн.

Сите заинтересирани е-трговци, ќе може да се информираат подетално и да аплицираат за беџ за верификација преку веб платформата ecommerce4all.mk на следниот линк.

Дополнително, листата со е-трговци од нашата земја кои се верифицирале ќе биде достапна и во вид на редовно ажуриран регистар, кој ќе биде јавно достапен и објавен на веб страницата ecommerce4all.mk.

Електронско банкарство

Компаниите се повеќе отвораат онлајн продавници или одлучуваат да бидат дел од локална маркетплејс платформа

Објавено

на

Пандемијата со корона вирусот влијаеше кон промена на навиките на домашните купувачи, кои согласно одговорите во прашалникот за е-купувачи, спроведен од АЕТМ на 2802 испитаници, 37% одговориле дека значително повеќе започнале да купуваат онлајн од почетокот на пандемијата, а дури 76% од нив одговориле дека ќе продолжат да купуваат онлајн и по COVID-19 со ист обем.

Дека македонците во текот на првите девет месеци од 2020 година стекнуваат се повеќе доверба кон е-трговијата и онлајн нарачките, може да се заклучи и од растот на бројот и вредноста на онлајн трансакциите со домашни картички, особено кон домашни е-продавници. Согласно податоците од НБРСМ, преку е-трговија, односно онлајн плаќање во првите девет месеци годинава се реализирале вкупно 10 милијарди денари, што го надминува износот реализиран во текот на цела 2019 година.

Зголемената онлајн потрошувачка, покрај природниот раст и ограничувањата кои со себе ги донесе пандемијата за купување во физички локации, се должи и благодарение на растот на онлајн понудата од страна на домашните компании. Согласно податоците од НБРСМ за бројот на виртуелни места на продажба (интернет продажни места), заклучно со 30.09.2020 година во Република Северна Македонија регистрирани се 1.342 продажни места, односно за период од девет месеци во текот на 2020 година бројот на онлајн продавници се зголемил за 322 новоотворени. Доколку ја земеме предвид бројката на нови онлајн продавници за истиот период во текот на минатата година можеме да заклучиме дека растот изнесува 212,6% што значи дека голем дел од компаниите успеале да имплементираат онлајн продажба во услови на пандемија. 

Согласно методологијата на прибирање на податоци на НБРСМ истата го вклучува бројот на регистрирани виртуелни места на продажба кои ги пријавуваат петте банки кои нудат е-трговија, односно сопствени е-продавници. Сепак за да се види поголемата слика потребно е да се согледаат и бројките за компаниите кои отвориле нов канал на продажба, односно онлајн преку мартеплјес платформа бидејќи и нивните производи и услуги ги направиле достапни за онлајн купување за потрошувачите.

Се повеќе компании одлучуваат да бидат дел од локален “marketplace” за онлајн продажба

По успехот на големите интернационални „marketplace” платформи како Amazon, Aliexpress, Etsy и други, голем број на домашни компании одлучуваат да бидат дел од локален “marketplace” со цел да ги понудат своите производи и услуги онлајн и да дојдат до што поголем број потенцијални купувачи. 

Маркетплјес платформите се особено поволно решение за малите и средни компании и овозможуваат брзо лансирање и пристап до нови потенцијални купувачи. Компаниите кои се одлучуваат да отворат е-продавница во рамките на маркетплејс практично немаат потреба да поврзуваат платежен процесор и ја користат техничката и корисничката поддршка, како и датабазата на корисници за маркетинг промоции од самиот маркетплејс.

Најчестите причини поради кои некои од компаниите одлучуваат да се дел од локален маркетплејс наместо да отворат своја е-продавница се: побрза процедура за започнување со работа, чини помалку во однос на изработка на своја е-продавница, користење на едуциран кадар со искуство во е-трговија, здобивање со искуство за онлајн продажба од веќе воспоставен систем и подобар маркетинг на својот бренд и своите производи итн.

Во нашата земја во моментот постојат два поголеми онлајн пазари, односно две платформи кои функционираат како marketplace. 

На маркетплејс платформата Grouper Shopping Mall, лансирана во април оваа година по започнувањето на кризата, веќе се отворени над 100 е-продавници. 

На онлајн платформата МаркетКонект има 97 компании, од кои 15 се активни со опција за онлајн плаќање преку своите профили, а остатите се со можност за испраќање на мејл со податоци за нарачката. 

Продолжи со читање

Електронско банкарство

SmartSend – Ѕвони ми на сметка! – нова иновативна услуга од Халкбанк АД Скопје

Објавено

на

Халкбанк АД Скопје сака да ги задоволи потребите на своите клиенти и ги прави нештата да бидат едноставни, а услугите лесни за користење. (more…)

Продолжи со читање

Електронско банкарство

НЛБ Банка го овозможи мобилното банкарство за корисниците на новите Huawei телефони

Објавено

на

НЛБ Банка го овозможи користењето на НЛБ мКлик – мобилното банкарство за физички лица и НЛБ мПроклик – мобилното банкарство за правни лица на платформата AppGallery, за корисниците на новите модели на Huawei мобилни телефони.

Достапноста на апликациите за мобилно банкарство за физички и правни лица и преку платформата Huawei AppGallery е од големо значење, бидејќи обезбедува поголема достапност на дигиталните сервиси и можност истите да ги користат сите клиенти на банката.

Апликацијата НЛБ мКлик за физички лица е достапна на следниот линк: https://appgallery.huawei.com/#/app/C103005871

Апликацијата НЛБ мПроклик за правни лица е достапна на следниот линк: https://appgallery.huawei.com/#/app/C103010517

НЛБ мКлик мобилното банкарство за физички лица и НЛБ мПроклик мобилното банкарство за правни лица имаат модерен и интуитивен дизајн и овозможувaат едноставен пристап до податоците и проверка на состојбата на сите сметки, во било кое време и од било кое место, без потреба од посета на Банката. Преку овие две апликации за мобилно банкарство, клиентите можат да се реализираат сите банкарски трансакции брзо и лесно само со еден клик без потреба од дополнителен уред токен. Воедно, НЛБ мКлик апликацијата ја нуди можноста за аплицирање на НЛБ мКлик кредит, како и on-line отворање на трансакциска сметка директно преку мобилен телефон.

Апликациите НЛБ мКлик и НЛБ мПроклик овозможуваат директен пристап до Банката, постојан увид на состојбите и прометот на сите свои сметки, како и пристап до целата палета на продукти и услуги кои Баната им ги нуди на своите клиенти.

Повеќе информации во врска со оваа понуда клиентите можат да добијат на веб страницатa nlb.mk, на социјалните мрежи на Банката или преку контакт центарот на телефон 02/15 600.

Продолжи со читање


Популарно