Connect with us
P2_P_MK_1600x400

Лични финансии

5 работи кои одличните продавачи ги прават

Објавено

на

Најдобрите продавачи знаат дека се најдобри. Тие се гордеат со својата уметност. Тие се одделуваат од останатите без разлика на околностите. Како го прават тоа? И дали ти си еден од нив?

Имам 10 годишно искуство во продажбата. Без разлика на кое хиерархиско ниво сум бил во компаниите каде сум работел, постојано сум анализирал други продавачи, оние поуспешните и поискусните од мене. Сум ја имал привилегијата да набљудувам доста успешни професионалци во продажбата и сум заклучил дека најдобрите имаат одредени шеми, навики и карактеристики. Овие навики ги имам поделено на 5 главни категории и ги имам применувано во мојот деловен живот – ги имам вежбано, изучувано, усовршувано.

Еве што имам забележано:

Најдобрите продавачи доминираат. Имам читано текст кој се вика Твоја е вината (It’s your fault). Поентата на овој текст е едноставна: Твојот успех зависи од тебе, и само од тебе. Продажбата како професија се води по принципот на меритократија (по заслуга). Не е никаква случајност што едни исти луѓе постојано се на врвот на скалилото. Некои ќе помислат дека на тие им се дадени одредени привилегии, нив им е полесно поради одредени ситуации и слично. Сите ние имаме појдовна точка. Но, без разлика, најголемата разлика помеѓу овие врвни продавачи и останатите е ставот. Овие продавачи и приоѓаат на секоја ситуација како да имаат се под контрола. Се што им се случува на нив, без разлика дали е поради нив или не, е под нивна контрола. Можеби не е по нивна вина, но во секој случај е нивна одговорност. Овој став психолозите го нарекуваат Локус на контрола. Тоа всушност значи дека ти веруваш дека моќта е во тебе, одколку во надворешни фактори. И знаеш што уште научниците дошле до заклучок? Дека имањето на локус на контрола се врзува со успех на деловно поле, повисоки финансиски примања и подобро здравје.

Ова не е лесно да се научи, затоа што ова е во принцип вкоренето во одредена личност. Но не е ни невозможно. Најдобар начин за да се процениш е: стави си ја на маса целата твоја ситуација – сметките, работата, приходите – и запрашај се: Како имам стигнато до таму каде што сум? Ги изградив ли вистинските односи со луѓето? Работев/се трудев ли доволно? Се истакнував ли? Дали ги обвинував другите за моите неуспеси, а дали ја зимав заслугата за успесите?

Мора да доминираш со се.

Најдобрите продавачи се снаодливи. Ќе го земам за пример Шерлок Холмс. Во сите книги, серии, филмови… Шерлок Холмс се соочува со невозможни ситуации, а скоро никогаш нема некоја највисока технологија за своето време, нема никаква дополнителна опрема, освен неговиот ум и неговата лупа. И Шерлок Холмс никогаш не застанал да се жали како има само една лупа и ништо друго, туку секогаш ги решава најтешките случаи, што авторитетите и експертите со сите нивни дипломи, целиот тој буџет и целата таа опрема не можат да ги решат.

Сите ние како продавачи секојдневно се соочуваме со тешки ситуации, временски рокови, таргети, доаѓаме до пречки кои не можат да се предвидат или искалкулираат, а сме опремени само со нашиот ум и нашиот телефон. Најдобрите продавачи скоро секогаш се снаоѓаат во тие ситуации. Снаодливоста e исто толку начин на размислување (mindset), колку што е и вештина. И ако не почнеш да ги поминуваш пречките со Шерлок Холмс mindset, никогаш нема доволно да ги развиеш вештините поврзани со снаодливоста. Како вежба, стави се во некоја навидум невозможна ситуација, остави го телефонот, исклучи го компјутерот, фокусирај се и насочи ја енергијата за да најдеш повеќе начини за решавање на ситуацијата.

Прифати го твојот Шерлок Холмс mindset.

Најдобрите продавачи се експерти. Продажбата е помалку продавање, а повеќе водење, што значи дека бара високо ниво на самодоверба, кое пак бара знаење и искуство. Овој концепт математички може да го напишеме како

Знаење + Искуство = Самодоверба за водење

Првиот дел од равенката може да се контролира. Вториот дел доаѓа со време. Добивање со знаење за индустријата и цврста мислење за продуктите кои ги продаваат треба да му бидат главен приоритет на секој кој сака да биде успешен продавач.

Обучувај се. Учи. Формирај мислење. Експертизата води кон самодоверба, то води кон доверба, што води кон успешна продажба.

Најдобрите продавачи им помагаат на другите. Без разлика каде се наоѓа твојата кариера во моментот, секогаш постои некој на кој можеш да му помогнеш. Секогаш постои нешто што ти знаеш за некој производ, процес или индустрија за кои некој нов или помалку обучен знае помалку. Најдобрите продавачи кои сум ги анализирал редовно го делат своето знаење на некој помалку обучен или помалку искусен продавач, без да очекуваат нешто од нив за возврат. Случајно, или иронично, оваа постапка станува катализатор за градење на самодоверба. А и другите околу тебе стекнуваат доверба во тебе. Shawn Achor, автор на книгата Big Potential (длабоко ви ја препорачувам), утврдил дека луѓето кои ги поддржуваат другите на работа, имаат 40% повеќе шанси да бидат унапредени.

Најдобрите продавачи реагираат брзо. Тие не реагираат непромислено, но имаат смисла за итност. Секогаш сум бил изненаден од оние кои не биле брзи во услужување на нивните клиенти – кои го одложувале времето за да донесат договор за соработка, или дополнителен материјал потребен за потенцијалниот купувач да донесе одлука. Најдобрите продавачи ја завршуваат работата во најбрз рок, или да го цитирам управителот Нортон од култниот филм The Shawshank Redemption: “Not tomorrow, not after breakfast – now!”

Погледни ги најдобрите продавачи во твојата компанија и провери дали ги поседуваат повеќето од овие карактеристики. Јас се обложувам дека ги поседуваат. И исто така се обложувам дека би ги споделиле своите стратегии со тебе.

Лични финансии

Три работи кои морате да ги знаете пред да земете кредит

Објавено

на

Планирате да земете кредит? Овие се неколку основни работи кои мора да ги знаете пред да влезете во банка. (more…)

Продолжи со читање

Лични финансии

Неколку вистини за парите и инвестирањето што треба да ги знаете

Објавено

на

Многумина од нас се надеваат дека ќе станат многу богати. Повеќето сакаат да постигнат одредено ниво на финансиска слобода и мир, без да стравуваат од помислата дека ќе немаат да ги платат сопствените сметки. Но, за постигнување на тоа ниво, исто така, е потребно одредено ниво на финансиско знаење кое многумина немаат, велат експертите. (more…)

Продолжи со читање

Лични финансии

Осум позитивни и негативни работи како вработен во продажбата

Објавено

на

Во соработка со Македонската Асоцијација за Продажба во периодот што следи ќе објавуваме текстови кои ќе ви помогнат да ги подобрите продажните вештини, да ја зголемите самодовербата и да го подобрите вашиот продажен ефект. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange