Connect with us

Осигурување

5 најдобри совети за осигурување за „милениумците“

Објавено

на

Ако сте родени во 2000-тите, и сте дел од „милениумската“ генерација веќе сте на возраст кога ви се потребни првите кредити заеми, изнајмување или купување на место за живеење, планирање на семејство и секако купување на осигурување.

Овие големи животни настани се исклучително важни, особено за милениумската генерација која според економистите сака дополнителна вредност во секој аспект на животот, од изборот на професијата и работното место, до активен социјален живот и негување на силни општествени вредности, па затоа неопходна им е и соодветна финансиска сигурност.

Затоа генерациите кои навршуваат 21-22 години кои веќе се со факултетски дипломи и ги прават првите чекори во деловниот свет треба да ги имаат на располагање сите информации за видовите на осигурување како дополнителна безбедна мрежа. Загрижуваат податоците дека милениумците се најмалку осигурена генерација без оглед што луѓето од сите возрасти имаат различни причини поради кои не купуваат осигурување сметајќи дека е голема или скапа инвестиција иако во пракса тоа е сосема спротивно.

Од друга страна пак, се смета дека милениумците се генерација која се карактеризира со решителност и обид за наоѓање на решение на предизвиците со оглед на големиот број на технолошки и информативни алатки. Затоа ќе се обидеме да ви претставиме неколку основни чекори со кои може да започне потрагата по вашето соодветно осигурување.

1. Најдете соодветно осигурување

Првиот и основен чекор е да одберете вид на осигурување од неживотната категорија кој во моментот ви е најпотребно, па така ако сте го купиле првиот автомобил пожелно е да купите каско осигурување и соодветно осигурување од авто-одговорност. Можеби размислувате да изберете осигурување со најниска цена, но ако немате доволна покриеност со полисата нема да ја ниту посакуваната финансиска корист кога ќе дојде време да го искористите самото осигурување.

2. Информирајте се за попусти

Речиси секогаш може да најдете одлична понуда со соодветни попусти за кои најдобро е да се информирате преку специјализираните медиуми, самите страни на осигурителните компании и продажните агенти. На пример ако купите повеќе видови на осигурителни полиси тогаш ќе добиете поголеми попусти и ако исполните одредени услови од договорот исто така и премијата ќе биде поголема.

3. Купете животно осигурување додека сте млади

Никогаш не е рано да купите животно осигурување, особено пакетите кои истовремено нудат и помодерни компоненти како што е долгорочно штедење. Со ваков вид на осигурителни производи покривате повеќе цели, најпрво во случај на најлошото вашите најблиски во тешките моменти ќе добијат соодветна компензација за настанатите трошоци и загубата, но исто така на долг рок ќе остварите и заштеда која ќе може да ја користите на поголема возраст пред завршување на работниот век. Предноста на младите е што се поздрави и во подобра состојба па така и полисата ќе биде поевтина, односно со поголем принос со оглед на помалите здравствени ризици.

4. Покријте ги сите потреби

Просечна полиса ќе ги покрие основите потреби, но можеби ќе треба да вложите во дополнително покритие за да ги заштитите вашите уникатни добра, на пример, електроника или убаво парче накит кои би било финансиски тешко да ги замените. Можеби ќе сакате да додадете дополнително покритие за овие предмети.

5. Разговарајте со независен продажен агент

Советувањето и користењето на услуги на независен продажен агент кој има големо познавање за понудата на повеќе осигурителни компании може да биде најдобар избор. Овие агенти не претставуваат понуди од сама една фирма, па така покажуваат поголема објективност во цените, понудите, попустите и сите детали околу договорот кој ќе треба да го склучите за вашата полиса. Продажниот агент треба да ги следи промените во вашата финансиска состојба и да ви обезбеди дополнителни совети за заштеда и покриеност.

Осигурување

Домаќинско осигурување од Халк Осигурување со 25% попуст за вработени во здравствени установи и МВР

Објавено

на

Во услови на пандемија со вирусот Ковид-19, кога целиот товар паѓа врз здравствените работници, но и на вработените во МВР, Халк Осигурување одлучи да им се заблагодари на хероите од првите борбени редови, кои се грижат за нашето здравје и безбедност, обезбедувајќи 25 проценти попуст на полиса за домаќинско осигурување за сите вработени во здравствени установи и МВР! (more…)

Продолжи со читање

Осигурување

Еуролинк Осигурување АД Скопје оствари добивка од 1,9 милиони денари во 2019 година

Објавено

на

Еуролинк Осигурување АД Скопје преку Македонска Берза објави ревидиран финансиски извештај за периодот 01.01.-31.12.2019 година. (more…)

Продолжи со читање

Осигурување

Дивиденди од Intel corporation, Wells Fargo&Co, како и камати од државни обврзници и депозити во домашни банки пристигнаа на сметките на пензиските фондови управувани од Сава пензиско друштво а.д. Скопје

Објавено

на

Управувајќи со средствата на идните пензионери, Сава пензиско друштво има за цел да обезбеди сигурна иднина на своите членови. Со инвестирање на средствата се остварува принос преку кој се менува вредноста на пензиските заштеди. На овој начин Друштвото се стреми да обезбеди оптимална пензија за идните пензионери. (more…)

Продолжи со читање

Популарно