Connect with us

Колумни

2020 година – Во фокусот на Проектниот менаџмент

Објавено

на

Степенот на реализација на капиталните инвестиции коишто се однесуваат на проекти од јавен интерес го активира алармот за максимално придржување кон проектните параметри од страна на сите инволвирани субјекти коишто работат на проектите финансирани од државниот буџет. Неприфатливо е да нема целосна реализација на капитални инвестициски проекти од јавен интерес.

Важно е да се знае дека реализацијата на ваквите проекти го подобрува квалитетот на животот на сите нас. Сметам дека проблемот е во несоодветното планирање, проектни тимови составени од некомпетентни лица, недостаток на капацитети кај договорните органи, несоодветна комуникација меѓу засегнатите страни инволвирани во проектите.

Живееме во време кога се бараат резултати сега и веднаш. За да ја одржиме контролата над состојбите задолжително треба да се потпреме на методите на ПРОЕКТНИОТ МЕНАЏМЕНТ.

За реализација на целосен напредок во сите сегменти од општеството, каде што двигател е ефектот од реализација на одлично одбрани капитални проекти потребно е да се следат примери на некои од земјите од Европа, Блискиот Исток и Азија.

Како прво е потребна прогресивна и храбра програма којашто ќе содржи неколку капитални проекти со најголем повраток на инвестицијата и најголем ефект во насока на подобрување на квалитетот на животот на граѓаните.
Како втор момент којшто сакам да го подвлечам е фактот дека е нужно поставување на проектни лидери коишто ќе екипираат проектни тимови од искусни, обучени, стручни и мотивирани проект менаџери за секој капитален проект.

Трето, во фазата на планирање неопходно е да се утврди обемот на работа што ја опфаќа проектот, како и јасно и реално утврдување на параметрите (буџет, време, квалитет), но и задолжително идентификување на сите ризици коишто можат да се појават при реализација на проектот и како последно е обезбедувањето на мерки за справување со ризиците при реализацијата.

Четврто, контролата при реализација треба да биде на највисоко ниво. Имено, квалитетот на изведба е тоа што им останува на генерациите понатаму долгорочно да го користат и да им служи за пример на добро изведен проект.

И сосема за крај, успешното завршување на проектот треба да ги оправда очекувањата: завршен во рамките на планираниот буџет, време и со исклучителен квалитет, да се почувствуваат придобивките од проектот на краток, среден или долг рок. Искуствата од успешно реализираниот проект да се пренесат на останатите проектни тимови за останати проекти.

Асоцијацијата на Проект Менаџери на Македонија дава силна поддршка за целосна примена на проектниот менаџмент при реализацијата на капиталните инвестиции во идниот период.

Отворени сме за соработка со сите чинители за проекти од јавен интерес.

Марјан Наумовски, М-р по Проектен Менаџмент
Претседател на Асоцијација на Проект Менаџери на Македонија

Извор: Javnaadministracija.mk

Колумни

Што се даночни раеви и како големите корпорации ги користат?

Објавено

на

Даночните приходи ја одржуваат цивилизацијата во живот. Но, не сите даночни обврзници играат според истиот пакет на правила. Со помош на адвокати, сметководители и разни професионалци, богатите и добро поврзани лица избегнуваат да плаќаат трилиони долари данок. Останатите ја покриваме разликата – вложувајќи ги нашите пари за изградба на патишта, училишта итн. Даночните раеви го овозможуваат сето тоа. Според некои проценки, околу 10 проценти од вкупното производство на сите економии во светот е сместено во офшор финансиски центри, кои ги држат “школки” компании кои постојат само на хартија. Трошоците за државите, во загубен приход, се проценува дека надминуваат 800 милијарди долари годишно. (more…)

Продолжи со читање

Колумни

Користење на технологијата за напредок

Објавено

на

Технологијата оди со огромни чекори напред. Постојано знаеме да кажеме или прочитаме дека истата ќе ни ги земе работните места. Да, вистина е технологијата можеби ќе замени голем дел од нашата физичкa работа, но тоа во иднина ќе ни овозможи да се фокусираме на работи кои што не можат да се автоматизираат. Тоа е начинот на размислување и визијата која што мора да не води напред. Ако немаме визија и ако не започнеме да вложуваме во себе промените ќе не водат нас, наместо ние да ги водиме нив. Затоа влогот во себе е влог во иднината. Доколку сакаме спремни да ја дочекаме иднината мораме да се посветиме на учење, а не само на генерално подобрување во одредени области. (more…)

Продолжи со читање

Колумни

Фискален стимул за заздравување, забрзан економски раст и фискална консолидација

Објавено

на

Минатата недела се одржа првата заедничка научна конференција на Министерството за финансии и Македонската академија на науките и уметностите (МАНУ). (more…)

Продолжи со читање



Популарно