На овогодинешната листа на Форбс на најбогатите луѓе во светот нема некои поголеми промени. Основачот на Амазон, Џеф Безос, останува најбогат човек во светот.

Безос е пред Бил Гејтс и Ворен Бафет на листата, а Марк Закерберг загуби три места и сега се наоѓа на 8-то место, додека Мајкл Блумберг напредуваше за две места и сега е на 9-тото место на најбогатите личности во светот.

Според годишната Форбс класификација, денешното богатство на 55-годишниот Безос се зголеми за 19 милијарди долари во изминатата година и достигна 131 милијарда долари. Безос неодамна се појави во таблоидите за објавување на развод.

Безос, кој има околу 16% од компанијата, поради огромното богатство е критикуван од страна на левичарите, американската Демократска партија, бидејќи многу се разликува од ко-основачот на Мајкрософт, Бил Гејтс, кој стана филантроп.

Богатството на 63-годишниот Бил Гејтс се зголеми скромно во текот на изминатата година и достигна 96,5 милијарди долари, во однос на 90-те милијарди долари кои ги поседуваше минатата година.

Трет на листата на најбогатите е 88-годишниот Ворен Бафет. И покрај неговата репутација дека тој има нос за одлични бизнис зделки, сепак тоа не беше видливо годинава по падот на акциите на гигантот Крафт Хајнц, компанија во која Бафет има големи вложувања. Токму поради тоа, богатството Бафет падна за 1,5 милијарди долари на вкупно 82,5 милијарди долари.

Основачот на Фејсбук, Марк Цукерберг, загуби речиси девет милијарди долари од своето богатство и падна од петтото на осмото место на листата на Форбс.

Пред него се мексиканскиот телекомуникациски магнат Карлос Слим, Шпанецот Амансио Ортега, основачот на Индитекс и Зара и американски ко-основачот на Оракл, Лари Елисон.

Мајкл Блумберг (77), основач на компанијата за финансиски информации, поранешен градоначалник на Њујорк, се искачи на деветтото место, по минатогодишното 11-то место. Неговото богатство минатата година порасна на 55,5 милијарди долари над 50 милијарди долари.