Connect with us

Домашни банки

Ќе успее ли конверзијата на приоритетните акции на Стопанска банка АД – Скопје во обични?

Објавено

на

Стопанска банка АД – Скопје на ден 12.12.2018 година ќе одржи собрание на акционери кое ќе биде особено значајно за акционерите кои имаат приоритетни акции.

Применото барање од страна на банката од сопствениците на вкупно 9.036 приоритетни акции (12,77%) се очекува да ја одбележи 44-тата седница на Собранието на акционери. Станува збор за организирање на одвоено гласање за предлогот да се укине првенственото право на приоритетните акции со цел да се изврши конверзија на приоритетните акции во обични акции во сооднос 2:1. Тоа би значело дека имателите на приоритетни акции, за секоја приоритетна акција ќе добијат 2 обични акции.

Банката има издадено вкупно 227.444 приоритетни акции со номинална вредност од 400,00 денари по акција. Доколку се освои одлуката, ќе се укине првенственото право на приоритетните акции издадени од Стопанска банка АД – Скопје во вкупен број од 227.444 со номинална вредност од 400.00 денари по акција. Приоритетните акции се конвертираат во обични акции со право на глас.

Во согласност со домашната регулатива за објавување на ценовно чувствителни информации, Стопанска банка АД – Скопје веднаш го објави барањето на веб-порталот СЕИ-НЕТ на Македонска берза АД Скопје. Дополнително, Надзорниот одбор на банката го разгледа барањето и ја измени Одлуката за свикување на 44-та седница на Собранието на акционери со што соодветно го дополни Дневниот ред на седницата.

Имајќи предвид дека предлогот ги засега правата и сопственоста на двата рода на акции, ќе се спроведе одвоено гласање од сопствениците на обични и сопствениците на приоритетни акции. Предлогот ќе се смета за одобрен само доколку сопствениците на двата рода на акции гласаат позитивно, односно, ако се постигне мнозинска согласност од сопствениците на обични и приоритетни акции претставени на самата седница каде што треба да бидат присутни најмалку претставници/сопственици на 51% од двата рода на акции.

Поднесителите предлагаат трошокот за конверзија, кој се проценува околу 550 илјади денари (вклучително даноци и други трошоци) да биде покриен од акционерите кои ќе бидат присутни/претставени на седницата и ќе гласаат позитивно.

Доколку се донесе одлуката, надлежните организациски делови на Банката ќе пристапат кон промена на Статутот на Банката и ќе ги превземат сите потребни дејствија за добивање на релевантни согласности од надлежните органи (КХВ, Народна банка на РМ) и реализација на конверзијата на приоритетни во обични акции со право на глас.

Домашни банки

ПроКредит Банка овозможи електронско отварање на орочен депозит

Објавено

на

ПроКредит Банка овозможи електронско отворање на орочен депозит директно преку нивното е-банкарство. Со оваа опција, клиентите имаат комплетна флексибилност, сигурност и дискреција при раководење со своите лични финансии и не мора да зависат од работното време на филијалите за креирање на навика за штедење. (more…)

Продолжи со читање

Домашни банки

Зелена наградна игра на Охридска Банка!

Објавено

на

Бидете дел од најзелената наградна игра на Охридска банка Сосиете Женерал. Направете 10 трансакции со дебитна и 5 транскакции со кредитна картичка и освојте електричен тротинет! Од 17 Декември до 28 Февруари 2019 година купувајте со картичките на Охридска банка Сосиете Женерал. 20 електрични тротинети чекаат на вас! (more…)

Продолжи со читање

Домашни банки

Вечерва отворање на изложбата од ликовната колонија „Вевчански видувања 2018“ во НЛБ Галерија

Објавено

на

Во организација на Меѓународната ликовна колонија „Вевчански Видувања, како и на Компанијата „ВИА“, вечерва (17 декември, понеделник), во 19 часот, во НЛБ Галерија во Скопје, свечено ќе биде отворена изложбата на уметнички дела на Меѓународна ликовна колонија „Вевчански видувања“ 2018.  (more…)

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange