Јапонските работодавци одлучија дека спиењето на работното место ќе стане дел од работните одговорности на секој вработен.

Под спиење на работа не се мисли дека на вработените ќе им биде дозволено неколку минути да ги затворат очите пред нивниот компјутер, туку ќе им биде обезбедена просторија за спиење.

Работодавачите се решија на ваков радикален чекор, откако најновото истражување на неколку експерти откри дека поспаноста на вработените има огромно влијание врз нивната ефикасност во работењето, а тоа ги чини јапонските компании неверојатни 138 милијарди долари на годишно ниво.

Токму поради тоа, предлог на работодавците и на јапонското министерство за здравство е на вработените да им дадат најмалку половина час сон во раните попладневни часови.

„Nextbeat”, јапонска ИТ компанија, веднаш го прифати предлогот и за своите вработени постави две, како што велат од компанијата, „стратешки спални“ за своите вработени.

Собите се опремени со одлична звучна изолација и уреди за блокирање на звук, со неколку кревети и софи, а најстрого е забрането внесување на мобилни телефони, таблети и лаптопи.