Connect with us

Останато

Јавна расправа за Законот за буџети: Се воведуваат фискални правила и фискален совет за поголема контрола на јавните финансии

Објавено

на

Поставување на фискални правила и воспоставување на Фискален совет – во насока на поголема контрола, среднорочно буџетирање и воспоставување на интегриран систем за управување со јавни финансии-во насока на подобро планирање, креирање на регистар на јавни субјекти и зголемување на транспарентноста се дел од одредбите од новиот Предлог-закон за буџети. Денека на јавната расправа која се одржа во Министерството за финансии, на која учествуваше министерот за финансии Фатмир Бесими, преставници на Светска банка, ММФ и Европската комисија, како и претставници на експертската јавност, на стопанските комори и на невладините организации, беше дискутиран овој нов закон и предлозите кои биле доставени на ЕНЕР и имплементирани во законот.

Министерот за финансии посочи дека новиот Закон за буџети се вклопува во концептот СМАРТ финансии, односно истиот е со цел да обезбеди рамка за водење здрава, предвидлива и одржлива фискална политика како и зголемување на буџетската дисциплина и одговорност.

Бесими посочи дека во предлог буџетот се имплементираат фискални правила – лимити на јавниот долг и на дефицитот со кои ќе се зајакне контролата и управувањето со јавните финансии.

Во однос на Фискалниот совет, министерот посочи дека се предвидува решение за Независно тело од 3 члена предложени од МАНУ, Државен завод за ревизија и Народна банка, а кои ќе бидат избрани од страна на Собранието. Членовите на ова тело ќе бидат експерти од областа на јавните финансии, макроекономија или економија.

Со новиот закон за првпат се воспоставува Регистар на јавни субјекти, кој ќе биде јавно достапен и во него ќе бидат евидентирани сите правни субјекти основани директно или индиректно од страна на државата или на општините. На тој начин ќе се обезбеди сеопфатност и транспарентност за сите јавни субјекти независно дали се на централно или на локално ниво.

Со Законот се оди и чекор понатаму од аспект на дигитализација на јавните финансии, односно воведување на Интегриран систем за управување со јавни финансии ИФМИС, преку кој ќе се подобри контролата на извршување на приходите и расходите од нивно планирање до конечна реализација.

Министерот за финансии посочи дека со зајакнување на управувањето со јавните финансии преку еден нов стратешки пристап се цели кон забрзување на економскиот раст од 2-2,5% колку што беше во последната деценија на 4-5% просечен годишен раст во следните пет години, а притоа да се постигнеме и фискална консолидација за да обезбедиме одржлив и инклузивен раст.

Останато

Лагард: Да се регулира тргувањето со биткоинот поради перење пари

Објавено

на

Претседателката на Европската централна банка, Кристин Лагард, повика на глобално регулирање на трговијата со биткоин, наведувајќи дека оваа дигитална валута во некои случаи се користи за активности за перење пари и дека е потребно да се затворат сите „дупки“ во регулативата, пренесува „Reuters“. (more…)

Продолжи со читање

Криптовалути

Биткоинот повторно достигна вредност од близу 40.000 американски долари

Објавено

на

Вредноста на биткоинот повторно се искачи на близу 40 илјади американски долари. (more…)

Продолжи со читање

Останато

Директорката на ММФ, Кристалина Георгиева ги повика владите во светот да трошат што е можно повеќе

Објавено

на

Креаторите на политики ширум светот треба желно да прифаќаат зголемување на трошоците за да помогнат во заживување на нивните погодени економии, изјави шефицата на Меѓународниот монетарен фонд (ММФ) Кристалина Гергиева на годишниот руски економски форум „Гајдар”. (more…)

Продолжи со читање

Популарно