DNB ASA прерасна во најголемата нордиска банка откако во повеќе наврати каматните стапки во оваа најбогата скандинавска земја се кренаа.

Норвешката економија која се потпира на извозот на нафта има голем простор за државни субвенции, а со тоа централната банка има простор да ги крене каматните стапки од 2018 година наваму во повеќе наврати.

Таквите кредитни услови и овозможија на DNB ASA голем раст во походот да стане една од највредните нордиски банки речиси на исто рамниште како и Nordea Bank Apb.

Во меѓувреме централната банка на Норвешка за периодот кој следи упати препораки на претпазливост со оглед на се поголемите интернационална кризи како што е најновиот конфликт меѓу САД и Иран кои може да влијаат на цената и пласманот на нафтата.

Од друга страна пак, најголем предизвик за DNB ASA е истрагата за перење на пари преку банката за мочна исландска компанија за риболов. Од DNB ASA посочија дека се целосно отворени за истражните органи и дека преземаат внатрешни мерки за зајакнување на процедурите за спречување на пари

DNB ASA и натаму ќе ужива во поволната кредитна клима додека остатокот од европските банки под притисок на монетарните власти се принудени да ги намалуваат каматните стапки и изложеноста на ризици од неповолни пласмани со цел да се зголеми личната потрошувачка и инвестициите.

Проценката на централните банкари е дека негативните каматни стапки и натаму ќе се одржат на сили и може и дополнително да паѓаат што за банкарскиот сектор звучи загрижувачки.