Connect with us

Анализи

Што треба да знаете за вложување во инвестициските фондови?

Објавено

на

Финансиските експерти препорачуваат да издвоите до 20% од вашите редовни примања за штедење и нивно паметно вложување во финансиски инструменти кои ќе ви донесат поголема вредност и ќе ви обезбедат посигурна иднина на вас и вашите најблиски.

Без оглед дали сакате да имате „фонд за црни денови“, повеќе средства за личен и семеен развој, образование и повеќе пари за материјални добра ако носите паметни одлуки без да трошите импулсивно и без план, тогаш може да добиете квалитетна инвестиција.

Во случај доколку не ви се привлечни орочените депозити каде каматните стапки се однапред познати тогаш може да размислувате да ги вложите средствата во инвестициски фондови со што би инвестирале во пазарот на капитал.

Што се инвестициски фондови?

Најкратко кажано вложувањето во инвестициски фондови опфаќа вложување на средствата во различни видови на инструменти како што се акции, обврзници и други хартии од вредност. Со вложување во инвестициските фондови вие како инвеститор станувате сопственик на удел со кој управуваат професионалци, односно менаџери за инвестиции.

Вложувањето во инвестициски фондови е одличен избор за сите физички и правни лица, дури и во случаи кога станува збор за мал износ за инвестирање. Тука не станува збор за купување на поединечни хартии од вредност туку за диверзификација на инвестирањето, па така и потенцијалните приноси не зависат од перформансот на една акција или обврзница. На тој начин се распоредува ризикот и се овозможува балансирање на приходите од вложените хартии од вредност. Професионалните инвестициски фондови се добро регулирани и постојат точни правила за начинот на кој располагаат со вашите средства при носење на одлуки за заштита на инвеститорите.

Кои се предностите во вложување во инвестициските фондови?

Освен тоа што нема ограничувања за физички или правни лица, дополнителни предности на вложување во инвестициските фондови се поголеми потенцијални приноси во однос на орочените депозитите секако со пресметаниот ризик. Тука е и транспарентноста која ја нудат инвестициските фондови за преглед на инвестициската структура, потоа препуштањето на носење на одлуки на професионалци кои раководат со инвестициското портфолио, флексибилноста за уплата на средствата на месечно или еднократно ниво. Во поглед на располагање со вложените средства исто така постои голема достапност за повлекување или продажба на уделите.

Кој е препорачаниот период на вложување?

Иако постојат препораки во врска со периодот на вложување, конечната одлука за должината на инвестицијата ја донесувате вие, и зависи од два фактора: вашите финансиски планови и толеранција на ризикот.

Речиси сите одлуки што ги донесувате во животот со нив носат одреден ризик. Во случај на инвестициски фондови, ризикот претставува неизвесност во однос на очекуваниот поврат и можноста за загуба, а процената на ризикот на самиот фонд е резултат на сеопфатна анализа, по што таа се класифицира во една од трите категории: фондови со низок, среден или висок ризик. Како што веројатно претпоставувате, поризичните средства имаат потенцијално поголема добивка од помалите фондови за ризик, но исто така и потенцијално поголеми загуби.

Заклучокот е дека за помалку ризични средства инвестицискиот период може да биде пократок (една година), додека за поризични фондови се препорачуваат подолги периоди на инвестирање (од три до пет години). Причината е прилично едноставна – подолго време за инвестирање го намалува негативното влијание што може да го имаат дневните движења на цените на пазарите на капитал врз цената на капиталните фондови, што особено важи за фондовите со висок ризик.

Конечно, ако сакате да ја откупите вашата инвестиција во инвестицискиот фонд, можете да го направите тоа во секое време, без оглед на препорачаниот период на инвестиција.

Анализи

Генерали Инвестментс: Диверзификација на портфолиото е чекор кон вистинската насока

Објавено

на

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите. (more…)

Продолжи со читање

Анализи

Јавен повик за учество на Собрание на акционери на Капитал Банка АД Скопје

Објавено

на

Врз основа на член 56 од Стаутот на КАПИТАЛ БАНКА АД Скопје, Надзорниот одбор на Банката го објавува следниот

ЈАВЕН ПОВИК
ДО АКЦИОНЕРИТЕ НА КАПИТАЛ БАНКА АД Скопје (more…)

Продолжи со читање

Анализи

Кои се петте компании со најголеми добивки во првите три месеци од 2020 година – Од топ 5, три се банки

Објавено

на

Македонскиот приватен сектор имаше нешто послаб прв квартал од тековната година со помала добивка споредено со истиот период минатата година. Според податоците на котираните друштва на Македонска берза во топ 5 компании со најголеми добивки заклучно со 31 март 2020 година три се банки, од кои две се наоѓаат во топ три. (more…)

Продолжи со читање

Популарно