Откако пред само една недела ја достигна својата историски највисока вредност од над 61.000 американски долари, цената на најпознатата криптовалута во светот започна нагло да опаѓа, а нејзиниот пад од ден на ден е се поголем.

Во моментов цената на биткоинот се движи околу 52.000 американски долари за еден биткоин, а неговата вредност е намалена за повеќе од 6 проценти во текот на денот или повеќе од 10 проценти изминативе два дена.

Вредноста на биткоинот изминатите неколку дена растеше по објавата на Илон Маск дека граѓаните на САД отсега ќе можат да купуваат автомобили на „Tesla” со биткоини. Но, по високиот раст, следува нагло опаѓање на вредноста што е уште еден доказ дека биткоинот е крајно нестабилен и неговата вредност драстично се менува во текот на еден ден.

Падот на цената на биткоинот ја намали и неговата пазарна капитализација којашто во изминативе денови надмина еден трилион долари (1.000 милијарди долари), но сега е на нивото од 978 милијарди американски долари.