Connect with us

Лични финансии

Што претставува каматно-каматниот ефект или попознат како сложена камата?

Објавено

на

Еден од најпознатите научници во историјата, Алберт Ајнштајн ја опишал сложената камата како “Осмо Светско чудо”. Тој додал дека оној кој го разбира овој ефект, заработува многу, тој што не го разбира, подоцна скапо го плаќа.

Убавината на сложеното вкаматување е тоа што ви овозможува да заработите дополнителна камата на вашата камата, така што единствено нешто што треба да направите е да вложите пари на што подолг рок, а потоа првично инвестираните пари сами ќе работат за вас.

Постојат три правила кој ги навел Ајнштајн, за да се извлече максимумот од сложената камата:

  • Реинвестирајте ги добивките
  • Инвестирајте на долг рок
  • Продолжете да додавате пари

Чудото на сложената камата познато и како каматно-каматен ефект ги претвора Вашите оперативни пари во фантастично моќна алатка за остварување на голема заработка. Сложеното вкаматување претставува процес на генерирање на нова заработка преку реинвестирање на заработката која што произлегува од претходно вложените средства.

За овој ефект да функционира успешно, потребни му се две многу важни компоненти: време и реинвестирање. Колку повеќе време ќе им дадете на вашите пари, толку поголем ќе биде нивниот потенцијал за раст, а тоа значи многу поголем бенефит за вас.

1. Придобивките од реинвестирање на добивката

Замислете дека сте инвестирале 1.000 денари во фонд кој обезбедил раст од седум проценти годишно (зголемени месечно).

Ако сте личност која сака да гo земе профитот колку што е можно поскоро, тогаш во џеб ќе имате 70 денари повеќе од вложените 1.000денари, односно вкупно 1.070 денари.

Меѓутоа, ако ја реинвестирате добивката, вашата добивка ќе се зголеми и вие имате уште повеќе пари, како што покажуваат податоците во табелата:

Доколку не ги подигнувате вложените средства, по петтата година, вашата годишна добивка (камата) би се зголемила од 70 на 92 денари односно ќе имате заработка од 31%.

Но, доколку добивката од првата година (70 денари) ја реинвестирате, наместо да ја ставите во џеб, тогаш по истекот на петте годинивие би имале заработено 403 денари, во споредба со 350-те, доколку секоја година ја подигнувате добивката.

2. Придобивките од инвестирањето на долг рок

 

Колку подолго ги оставате вашите пари недопрени, толку ќе биде посилен ефектот на вкаматувањето.

Земете го претходниот пример, по пет години, вие не само што ќе заработувате камата на вашата првобитна инвестиција од 1.000 денари, вие исто така ќе заработувате камата на каматата, па така наместо 350 денари ќе добиете 403 денари.

По 10 години, вашата првична инвестиција од 1.000 денари ќе се дуплира и ќе порасне на 2.010 денари. Тоа значи дека вашата добивка ќе биде 1.010 денари, повеќе од вашата почетна инвестиција.

По 20 години, вие би имале 4,039 денари, а по 30 години би имале 8.116 денари односно 8 пати повеќе од вашата прва инвестиција. Тоа значи дека вие би заработиле повеќе пари во последните 10 години отколку во првите 20 години заедно.

3. Придобивките од додавање на пари (зголемување на инвестицијата)

Замислете дека, покрај оставањето на вашите пари недопрени 30 години, додадовте, само по 50 денари неделно.

Тоа ќе го направи ефектот на вкаматување уште помоќен, како што покажува табелата во прилог:

Благодарение на моќта на вкаматувањето, би заработиле 34.370 денари во третата деценија во споредба со 26.612 денари во првите две децении – тоа е 29 проценти повеќе пари за половина време.

Се разбира, ако додадете повеќе од 50 денари неделно, вашата финансиска моќ ќе стане уште посилна.

Како што покажуваат бројките, ако имате дисциплина да вложувате редовни депозити и трпение да не ги допирате, можете да направите од мала инвестиција во вистинско богатство.

За да го искористите каматно-каматниот ефект во ваша полза, бидете трпеливи. Не ги повлекувајте вложените средства. Акумулирањето функционира само доколку на вашата инвестиција и дадете доволно време да порасне. Магијата на каматно-каматниот ефект се чувствува на крајот.

Лични финансии

Применувајте го концептот „ментално сметководство” за да заштедите пари

Објавено

на

Ако во паричникот носите крупна банкнота може да заштедите пари. Психологот Мери Грешам вели дека луѓето обично размислуваат двапати пред да ги „раситнат“ крупните пари. (more…)

Продолжи со читање

Лични финансии

Бизнис бар: Како да им пристапите на потенцијалните клиенти преку е-пошта

Објавено

на

Праќањето на е-пошта можеби изгледа лесно, но исто така доаѓа и со свои уникатни предизвици. Иако, можеби ви е мило што потенцијалните клиенти не можат да ве видат, тоа значи дека и вие исто така не можете да ги видите нив ниту пак да ја процените нивната реакција. Не можете да приметите дали вашиот пристапот успева или не, дали треба да промените тактика или едноставно да се откажете. (more…)

Продолжи со читање

Лични финансии

Бизнис бар: Едноставни и брзи канцелариски вежби за подобрување на ефикасноста на работата

Објавено

на

Ако работите во канцеларија, големи се шансите дека минувате минимум 8 часа седејќи, а тоа е 40 часа неделно. (more…)

Продолжи со читање

Популарно