Connect with us

Анализи

Што носи Новата 2020-та на економски план?

Објавено

на

Какви поволности ќе донесе за граѓаните Новата 2020-та година?

Со почетокот на Новата 2020 година, поголеми примања ќе добијат пензионерите, но и вработените во образовните институции. За 320.000 пензионери ќе следат повисоки пензии за 700 денари, а за над 32.000 просветари повисоки плати за 10 проценти. Најавените покачувања започнуваат официјално од 1ви јануари, но зголемените приходи, пензионерите и професорите на сметка ќе ги видат во февруари со исплатата на јануарскиот приход.

Заклучно со почетокот на 2020 година, покачувања добиваат и медицинарите, кои исто така ќе добијат повисоки плати во февруари. Зголемување ќе добијат околу 15.000 здравствени работници.

За сите останати вработени, кои досега биле пријавени на минималец, со платата во јануари ќе добијат покачување за 2.000 денари, колку што изнесува зголемувањето на минималната плата која сега изнесува 14.500 денари.

Од почетокот на 2020 година, граѓаните ќе плаќаат и поефтин роаминг меѓу земјите од Западен Балкан од 9 до 35 проценти. Најефтини ќе бидат разговорите со Србија.

Од 1 јануари 2020 година официјално стапи на сила ослободувањето од царина кое се однесува на малите пратки до 90 евра. Зголемувањето на прагот, од досегашните 45 евра на 90 евра е во насока на спроведување на препораките на Европската комисија, како и зголемување на обемот на е-трговија во земјава.

Со почетокот на Новата година, стапува на сила и данокот за моторни возила. За увоз на возила до 10.000 евра, данокот ќе се мери според тоа колкава емисија на јаглерод диоксид испушта возилото. Данокот е двојно повисок за увоз на дизел возила, отколку тој за увоз на бензинци.

Новитет е и зголемувањето на прагот со кој се станува ДДВ обврзник. Наместо еден милион како што беше до сега, од годинава границата се зголемува на 2 милиони денари.

Од почетокот на јануари пак пораснаа и стапките за плаќање придонеси. За пензиско ќе се плаќаат 18,8 проценти од бруто платата, a за здравство 7,5 отсто, или за 0,5 процентни поени повеќе од 2019 година.

Како што се најавуваше во изминатиов период, со почетокот на Новата 2020 година се „замрзнува“ прогресивниот данок во наредните две години. Наместо 15 проценти за повисоките плати од 90.000 денари, ќе се плаќа 10 проценти персонален данок на доход. Нема да се одданочуваат капиталните добивки, а нема да се даночат ниту каматите на штедните влогови.

За крај, данокот за кириите се намали од 15 на 10 проценти. Но, затоа пак остана тој за игрите на среќа, па така за добивките во спортски обложувалници, казина и останати игри на среќа, добитниците ќе плаќаат 15 проценти данок.

Анализи

Порака од Светската Царинска Организација по повод 26 јануари – Меѓународен ден на царината

Објавено

на

Царинската заедница повторно се здружува, обединета во одбележувањето на Меѓународниот ден на Царината, кој традиционално секоја година се одбележува на 26 јануари. На овој посебен ден членките, секретаријатот и партнери на СЦО од целиот свет се посветуваат на одредена тема. Така, во 2020 година, под слоганот „Царина се грижи за одржливост на граѓаните, просперитетот и планетата“, Царинската заедница ќе се фокусира на придонесот на Царината кон одржлива иднина при што социјалните, економските, здравствените и еколошките потреби ќе бидат во сржта на нејзините активности. (more…)

Продолжи со читање

Анализи

Каматите паѓаат – Кредитите и депозитите се во пораст но, на чие конто?

Објавено

на

Каматните стапки за кои сигнализира Народната банка со олеснување на монетарната политика бележат намалување ако се споредат последните два месеца од годината за 2018 и 2019. Според најновите статистики просечната каматна стапка изнесувала околу 5%. Забележан е поголем раст на штедењето на домаќинствата, како и на корпоративниот сегмент гледано според податоците за ноември и декември 2019 година. (more…)

Продолжи со читање

Анализи

Зошто совршениот лидер не треба да се плаши и што се мора да поседува?

Објавено

на

Не е тајна дека на задоволството на вработените од работата, освен висината на платата и условите за работа, исто така значително влијае и односот со надредениот. (more…)

Продолжи со читање

Популарно