Connect with us

Компании

Шпаркасе Лизинг Доо Скопје со силни перформанси во првата половина на 2022 година

Објавено

на

Врз основа на неревидираните финансиски извештаи за првите шест месеци од 2022 година Шпаркасе Лизинг Доо Скопје оствари силни перформанси во сите сегменти на работењето, што придонесе и за раст на вкупното портфолио од 16,8% споредено со почетокот на годината, како и:*

  • Раст на финансираниот волумен на лизинг трансакции од 52,1%;
  • Раст на бројот на новофинансирани лизинг предмети од 16,3%;

Овие позитивни движења условија одлични финансиски перформанси и тоа:

  • Раст на приходите од камати за 20,7%;
  • Раст на приходите од надоместоци за 31,8%
  • Сооднос помеѓу трошоците и приходите (CIR) од 27,4%;
  • Нефукционалните побарувања се задржаа на ниво од 1,9%;
  • Нето профитoт по оданочување достигна 39,4 милиони денари;

Во текот на првата половина од 2022 година Шпаркасе Лизинг Доо Скопје забележа силен раст во сите сегменти на работењето, иако влијанието на зголемените рокови на испорака на возила како резултат на пореметувањата на синџирите на снабдување и зголемените цени значително се чувстваа на пазарот.

И покрај проблемите со испоракa на возила на глобално ниво кои го забавија Европскиот пазар за 14%, пазарот на нови автомобили во Р.Македонија за првите шест месеци забележа раст од 13% споредбено со првите шест месеци од 2021 година, благодарение на добрата продажба во Јуни која пред се должи на испораките за рент-а-кар компаниите.

Шпаркасе Лизинг Доо Скопје со својата соодветната поставеност на пазарот и понуда на флексибилни производи и услуги дојде до раст на финансираниот волумен на лизинг трансакции за 52,1% и раст на бројот на новофинансирани предмети за 16,3% споредено со првите шест месеци од 2021 година со што ја потврди својата улога на пазарен лидер.

Значајно е да се напомене дека одличен раст е остварен во двата “core” сегменти во работењето, патничките возила и тешките товарни возила со раст од 39,5% и 137,5% респективно, споредено со првата половина на 2021 година.

Приходите од камати се зголемија за 20,7%, со раст на приходите од надоместоци за 31,8%, при што трошоците за исправка на вредност останаа под буџетираното ниво благодарение на стабилното и здраво портфолио. Како резултат на овие движења, нето добивката по оданочување за првите шест месеци од 2022 изнесуваше 39,4 милиони денари.

Втората половина на 2022 година се очекува да биде исполнета со предизвици пред се од аспект на претходно спомнатите нарушувања во синџирите на снабдување, намалената понуда на возила како и растечката инфлација, и се поевидентните нагорни движења на каматните стапки на европскиот, а со тоа и македонскиот финансиски пазар.

“Шпаркасе Лизинг продолжува со силна поддршка на македонската економија и бизнис, при што во следниот период ќе се фокусирамe на воведување нови производи и услуги како и на дополнително забрзување на постапката за реализиција на нови договори со цел одобрување и реализација за 24 часа од моментот на аплицирање“, истакна Марјан Манчев, Извршен директор на Шпаркасе Лизинг Доо Скопје.

Компании

Групацијата Триглав оценета како финансиски многу солидна и со одлични оперативни перформанси

Објавено

на

Агенцијата за кредитен рејтинг AM Best, во рамките на редовната годишна ревизија на Заваровалница Триглав и Позаваровалница Триглав Ре, ги потврди кредитниот рејтинг на финансиска моќ „А“ (одлично) и долгорочната оценка за кредитна способност на издавач „а“ (одлично). (more…)

Продолжи со читање

Компании

Андријана Поповска го замени Артон Лена во Одборот на директори на ВФП Фонд Менаџмент АД Скопје

Објавено

на

ВФП Фонд Менаџмент АД Скопје преку соопштение на Македонска берза ја известува јавноста за измени во органите на управување на компанијата. (more…)

Продолжи со читање

Компании

Триглав oсигурување Живот АД Скопје одбележа 5 години постоење на македонскиот пазар

Објавено

на

Триглав oсигурување живот АД Скопје во присуство на бројни гости од земјава и странство, соработници и партнери кои изминатите години ја дадоа својата доверба и поддршка, го одбележа својот петгодишен јубилеј на успешно делување на македонскиот пазар за осигурување. Компанијата е основана како најмладо друштво за животно осигурување на пазарот за осигурување во 2017 година, со одлука за директна инвестиција во ново друштво и е во доминантна сопственост на групацијата Заваровалница Триглав. (more…)

Продолжи со читање

Популарно