Connect with us

Домашни банки

„Шпаркасе Банка“, прва банка во Република Македонија што финансира старт-ап бизниси во соработка со програмата ЕаСи на ЕУ

Објавено

на

„Шпаркасе Банка Македонија“ ја претставува првата програма „Чекор по чекор“, наменета за поддршка и развивање старт-ап бизниси во Република Македонија, по потпишувањето на спогодбата со Европскиот инвестициски фонд (ЕИФ) во рамките на Програмата за вработување и социјални иновации ЕаСи на ЕУ. На старт-ап бизнисите ќе им бидат ставени на располагање околу 1,5 милиони евра во фондови гарантирани со Програмата вработување и социјални иновации ЕаСи на ЕУ, финансирана од Европската Унија. 

„Шпаркасе Банка“ ќе го поддржи развојот на младите амбициозни претприемачи со идеја за создавање сопствен бизнис, кои имаат потреба од парични средства за понатамошен развој. „Чекор по чекор“ е првата акцелераторска програма од овој вид, која има за цел да обезбеди финансиска и општествена поддршка на компаниите што се во почетната фаза на отпочнување сопствен бизнис, со можност за кредитирање во износ до 25.000 евра и понуда на разновидни пакети на образовна, финансиска и менторска поддршка.

Осврнувајќи се на трансакцијата, Мериен Тисен, комесар за вработување, социјални прашања, вештини и мобилност на работна сила, изјави: „Младите претприемачи честопати се соочуваат со тешкотии во пристапот до кредити од традиционални банкарски извори. Со помош на финансиските гаранции на Програмата за вработување и социјални иновации на ЕУ, ’Шпаркасе’ на старт-ап бизнисите ќе им понуди заеми по намалени каматни стапки и помалку придружни барања. Ова е конкретен пример за тоа како Европската комисија го поддржува вработувањето и социјалната вклученост“.

Извршниот директор на Европскиот инвестициски фонд Пјер Луиџи Гилберт изјави: „Задоволство ми е да видам како ЕИФ тесно соработува со ‘Шпаркасе’, со цел да ја прошири својата дејност во рамките на ЕаСи. ЕИФ е посветена на поддршката на ранливите социјални групи, кои се соочуваат со економска и социјална маргинализација. Убеден сум дека поддршката на ЕУ ќе ѝ помогне на ‘Шпаркасе’ да допре до претприемачите од микро–бизнисите, чиј профил на ризик инаку би ги спречил да стасаат до традиционално банкарско финансирање“.

Глигор Бишев, Генерален извршен директор и Претседател на Управниот одбор на „Шпаркасе Банка Македонија“, изјави: „Во рамките на одбeлeжувањето на десетгодишното присуство на ‘Шпаркасе Банка’ во Македонија, одлучивме да понудиме кредитна поддршка за динамичните и иновативни мали бизниси. На тој начин сакаме да обезбедиме пристап до финансиски средства на младата генерација претприемачи, кои во иднина ќе ја движат македонската економија. Кредитните средства се обезбедени од Европската комисија, преку програмата на Европската Унија за вработување и иновации, која ќе преземе дел од ризикот за овие кредити. Оваа програма, покрај кредитирање, на претприемачите им нуди и бесплатна обука, совети и менторства за отпочнување и водење бизнис“.

„Шпаркасе Банка Македонија“ ќе ја имплементира програмата „Чекор по чекор“ во соработка со Social Impact Lab и Start Up Академијата преку имплементација на 8 различни образовни модули, кои ќе им овозможат на старт-ап бизнисите да разработат бизнис-план и со помош на финансиските средства да ја продолжат инвестициската активност или да го обезбедат потребниот фиксен работен капитал. Програмата е наменета за компании што се регистрирани пред помалку од 24 месеци и кои имаат потреба од парична и образовна помош, се наоѓаат во старт-ап фаза или во фаза на развој и вработуваат еден или помалку од 10 вработени. Повеќе детали за програмата и условите за аплицирање за заем се достапни на страницата www.sparkasse.mk.

За Програмата за вработување и социјални иновации 

Програмата за вработување и социјални иновации ЕаСи на ЕУ на Европската комисија има за цел да го поддржи стремежот кон висококвалификувана работна сила, соодветна социјална заштита, борбата против социјална маргинализација и подобрување на условите за работа на ЕУ. Гаранцискиот проект на ЕаСи беше отпочнат во јуни 2015 г., финансиран од Европската комисија и управуван од Европскиот инвестициски фонд.

Програмата обезбедува поддршка за финансиски посредници кои нудат микро-заеми на претприемачи или финансирање социјални проекти. Целта е да се зголеми пристапот кон микрофинансирање за ранливите групи што сакаат да основаат или да развијат сопствен бизнис и микро-компании преку заеми во висина до 25.000 евра. Освен тоа, Европската комисија за првпат ги помага општествените проекти преку инвестиции во висина до 500.000 евра. Микрофинансирањето и поддршката на општественото претприемништво во моментот се имплементира преку гаранција на ЕаСи, која им овозможува на финансиските посредници да им понудат на микро-претприемачите и на социјалните проекти финансиска поддршка, до која инаку не би имале пристап со оглед на процените за ризик.

За ЕИФ

Европскиот инвестициски фонд (ЕИФ) е дел од групацијата на Европската инвестициска банка. Основната мисија ѝ е поддршката на микро, мали и средни претпријатија во Европа преку помош во пристапот до финансирање. ЕИФ осмислува и разработува инструменти за капитал, гаранции и микрофинансирање за основање и раст и развој, кои го таргетираат конкретниот пазарен сегмент. Во таа функција, ЕИФ ги поттикнува напорите на ЕУ за поддршка на иновации, истражувања и развој, претприемништво, раст и вработување.

Повеќе информации за поддршката на ЕУ на микрофинансирањето и социјалното претприемништво се достапни на:

Програма ЕаСи

Поддршка на социјалното претприемништво на ЕУ

За “Шпаркасе“

„Шпаркасе Банка Македонија АД Скопје“ е дел од Ерсте и Шпаркасе Групацијата, која се состои од 49 штедни банки со речиси 2 века постоење на финансискиот пазар во Република Австрија. Воедно, таа е една од најсилните банкарски групации во Европа, која со својата долгорочна стратешка ориентација кон регионот на Западен Балкан придонесува и Шпаркасе Банка Македонија да претставува доверлив партнер за своите клиенти. Заедно со банките ќерки во Австрија, Хрватска, Србија, Босна и Херцеговина, Словенија и во Црна Гора, таа е дел од сеопфатните банкарски мрежи во регионот – Штаермеркише Шпаркасе, која со својата билансна сума од 15 милијарди евра, 2.751 вработен и 233 експозитури и регионални центри опслужува околу 702.414 клиенти во земјите од регионот на Југоисточна Европа.

Домашни банки

Вработените во Комерцијална банка донираа храна во соработка со НО „Љубезност“

Објавено

на

Банката донираше повеќе од 20 пакети храна, неопходни за преживување на студените зимски денови кои следат. (more…)

Продолжи со читање

Домашни банки

Централна Кооперативна Банка ќе издаде конвертибилна обврзница

Објавено

на

Централна кооперативна банка (ЦКБ) ќе издаде конвертибилна обврзница со која ќе се задолжи за 5 милиони евра. Веста е содржана во предлог одлуката што ќе се најде на претстојното вонредно акционерско собрание на таа банка закажано за 14 ноември.  (more…)

Продолжи со читање

Домашни банки

Силк Роуд Банка ја опреми со постелнина Детската клиника во Скопје

Објавено

на

Силк Роуд Банка АД ја предаде првата донација за Универзитетската клиника за детски болести во Скопје што произлезе од потпишаниот меморандум за соработка, со кој банката прерасна во долгорочен партнер на Клиниката.

Со оваа донација на Силк Роуд Банка се овозможи целосно обновување на постелнините на сите креветчиња на Клиниката за детски болести. Средствата за набавка на новата постелнина во износ од 212 илјади денари, се обезбедени на тој начин што за секоја трансакција со Американ Експрес картичките на Силк Роуд Банка, банката одвојува по пет денари за потребите на Клинката.

„Среќни сме што ја реализиравме првата донација во рамки на нашето парнерство со Клиниката за детски болести. Со нетрпение ги очекуваме и следните донации со кои сакаме да ѝ помогнеме на Клиниката во остварување на нејзината благородна мисија. Горди сме што заедно со нашите клиенти го спроведуваме овој долгорочен проект со кој веруваме дека ќе придонесеме за уште подобра здравствена грижа за најмладите“, изјави Ролф Шнебели, претседател на Управниот одбор на Силк Роуд банка.

Релизацијата на првата донација од долгорочното партнерство помеѓу Силк Роуд банка и Универзитетската клиника за детски болести ја поздрави и Министерството за здравство.

„Здравствениот систем, како исклучително комплексен сегмент од секое општество, има потреба од поддршка и од приватниот сектор. Состојбите во здравството ќе бидат на многу повисоко ниво доколку сите општествени фактори ја споделат грижата за него. Оттука ја поздравувам оваа иницијатива која е јасен показател за високата свест и општествена одговорност на Силк Роуд банка и воедно ја користам оваа прилика да ги повикам и останатите компании да го следат примерот на оваа банка“, истакна министерот за здравство, доц. д-р Венко Филипче.

Универзитетската клиника за детски болести е единствена здравстена установа од ваков вид во Република Македонија. Во просек, годишно, на оваа клиника болнички се лекуваат над 7 400 деца, а повеќе од 5 4000 деца добиват амбулантска, специјалистичка и субспецијалистичка педијатриска грижа.

„Првата донација од Силк Роуд Банка доаѓа во вистинско време, затоа што набавката на нова постелнината за целата болница е повеќе од неопходна. Овој модел за соработка меѓу нашата Клинката со Силк Роуд Банка функционира одлично и ни овозможува реализација за унапредување на условите во Клиниката. Придобивки ќе имаат децата пацинети, но и персоналот“, вели д-р Катерина Ставриќ, директорка на Универзитетската клиника за детски болести.

Покрај соработката со Клиниката за детски болести, Силк Роуд Банка континуирано реализира и други општествено одговорни активности, меѓу кои: поддршка на активностите на Црвениот крст на Град Скопје, на Домот за деца без родители „11. Октомври“ и учеството во обезбедување помош на жителите на Стајковци погодени од катастрофалните поплави во 2016-та година.

Силк Роуд Банка е единствена банка во Македонија со 100% швајцарски капитал и е ексклузивен застапник за Американ Експрес картичките во земјава.

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange