Шпаркасе Банка АД Скопје ги известува своите клиенти – пензионери дека пензиите за месец октомври 2022 се исплаќаат почнувајќи од денес (31 октомври 2022 година) во четири групи.

Со пензиите пензионерите можат да располагаат веднаш, доколку користат дебитни картички за подигнување на готовина од банкомат. Од Шпаркасе Банка препорачуваат да ја користите широката мрежа од 100 банкомати на Шпаркасе Групацијата кои се достапни во Република Северна Македонија или да плаќате безготовински при пазарење кај трговците.

Клиентите кои не користат платежни картички, ќе можат да ја подигнат пензијата преку шалтер во експозитурите на Банката согласно следниот распоред на исплата, кој е составен во 4 групи според висината на пензијата:

• Во понеделник 31-ви октомври 2022 година, пензии со висина до 11.000 денари денари
• Во вторник 1-ви ноември 2022 година, пензии со висина 11.001-14.000 денари  
• во среда 2-ри ноември 2022 година, пензии со висина 14.001-18.000 денари
• во четврток 3-ти ноември  2022 година, пензии со висина над 18.001 денари.

Подигнувањето на готовина од банка ќе се врши исклучиво според наведениот редослед и корисник со висина на пензија која не е на распоредот нема да биде опслужен!

За поголема заштита на Вашето здравје, од Шпаркасе Банка АД Скопје упатуваат за намалена посета на експозитурите и избегнување на чекање редови на шалтерите. Клиентите кои имаат платежни картички може да си ги користат директно на продажните места, како и да ги користат услугите за електронски плаќања преку електронското банкарство NetBanking и мобилното банкарство S-Bankа.

Доколку сепак клиентите се одлучат да ги подигнат средствата преку шалтерите во експозитурите на Банката, од Шпаркасе Банка АД Скопје замолуваат за придржување кон препораките за дезинфекција на рацете, посебниот режим за влез на најмногу 2 лица во експозитурата, како и одржување на минимално растојание од 2 метри од останатите клиенти.