Connect with us
P2_P_MK_1600x400

Домашни банки

Шпаркасе Банка започна да нуди услуги за тргување со хартии од вредност на странските пазари

Објавено

на

Шпаркасе Банка Македонија, во рамките на своето Одделение за работа со хартии од вредност, започна да ги нуди своите брокерски и старателски услуги во процесот на тргување со хартии од вредност на странските пазари.

Имено, со преминувањето на Република Северна Македонија во втората фаза од Спогодбата за стабилизација и асоцијација (ССА), им се овозможи на домашните банки да посредуваат при купопродажба на хартии од вредност во странство, со што се отвориjа поголеми инвестициски можности за физичките и правните лица. Согласно со соодветните измени на законската и на подзаконската регулатива во оваа област, Шпаркасе Банка Македонија АД Скопје презеде активности и соодветни подготовки за да биде една од првите банки што ќе им ги нудат овие услуги на своите клиенти.

Во рамките на инвестициското работење, Банката на своите клиенти им нуди брокерски и старателски услуги во 25 земји и на повеќе од 30-ина странски берзи – пазари на капитал, меѓу кои и најголемите берзи во светот: New York Stock, Exchange, NASDAQ, Börse Frankfurt, London Stock Exchange, Tokyo Stock Exchange и др.).

Услугите на странските пазари опфаќаат:

  1. Брокерски услуги: прием и пренос на налози за купување и продавање хартии од вредност на странски пазари на хартии од вредност и вршење дополнителни услуги за издавачите на хартии од вредност.
  2. Старателските услуги: чување хартии од вредност; порамнување, плаќање и извршување на трансакциите со хартии од вредност според старателски налози; наплата на приходи и известување за исплата на дивиденда, камата или доспевање на други побарувања од хартии од вредност; извршување старателски налози поврзани со корпоративни активности како и други услуги по барање и во договор со клиентите.

Со оваа услуга ќе им се овозможи на клиентите да ги алоцираат своите слободни парични средства и да го диверзифицираат портфолиото преку вложување и дисперзија на ризикот во хартии од вредност на странските финансиски пазари, каде што постои голема понуда на финансиски инструменти и хартии од вредност, повисока ликвидност и транспарентно корпоративно управување на компаниите издавачи. Покрај овие предности, би ги истакнале и можноста за индексирано вложување во т.н. индексни ЕТФ-фондови, можноста за инвестирање во странски должнички инструменти и управување со приносите и ризиците (преку вложување во инструменти од различни издавачи со различни доспевања и приноси), потоа инвестирање во инструменти на стоковите пазари и поврзани со движењето на цените на стоките (на пример, во злато, нафта, пченица, памук итн.) и други можности.

Сите детални информации околу можностите за инвестирањето на странски пазари, листата на пазари и тарифниците за услугите се јавно објавени во деловните простории на Шпаркасе Банка Македонија АД Скопје, а исто така се достапни и на веб-страницата на Банката: https://sparkasse.mk. Заинтересираните клиенти ги повикуваме да нè контактираат и да закажат информативен состанок.

Домашни банки

Тимот на Комерцијална банка го освои првото место на Business Run 2019!

Објавено

на

Комерцијална банка и годинава учествуваше на трката Business Run со што ја покажа важноста на тимската работа, како меѓу колегите, така и во поддршката на нашите деловни партнери.  (more…)

Продолжи со читање

Домашни банки

НЛБ Банка домаќин на интернационалниот хакатон „NASA Space Apps Challenge“

Објавено

на

НЛБ Банка горд домаќин на интернационалниот хакатон „NASA Space Apps Challenge“ кој започнува денеска, а учество ќе земат 140 млади таленти: средношколци и студенти од Македонија кои во следните 48 часа ќе дизајнираат иновативни решенија за глобални предизвици со кои се соочуваат земјата и вселената. Овој хакатон во исто време се случува низ 200 локации во светот и земаат учество 18.000 учесници. (more…)

Продолжи со читање

Домашни банки

Јавен повик за учество на Собрание на акционери на Стопанска банка АД – Скопје

Објавено

на

Врз основа на член 27 од Статутот на Стопанска банка АД – Скопје (С.О. бр. 382/29.05.2019 година, пречистен текст), Надзорниот одбор на СБ, на седницата одржана на 15.10.2019 година, донесе Одлука за свикување на 46-та седница на Собранието на акционери на СБ (Н.О. бр. 60 / 15.10.2019 година). (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange