Шпанската економија би требало да забележи голем пад помеѓу 6,8 и 12,4 проценти, во зависност од траењето на карантинот поради пандемијата од коронавирусот, предупреди Централната банка на Шпанија.

Во таа земја карантинот беше воведен кон средината на март, а во зависност од тоа дали ќе трае 8 или 12 недели, централната банка има развиено две различни сценарија, пренесува „Reuters“.

Шпанската централна банка соопшти дека очекува закрепнувањето на економијата да започне во втората половина на годината, додека значителното закрепнување се очекува дури во 2021 година, со проектиран раст помеѓу 5,5 и 8,5 проценти.