Цените на нафтата рано утринава бележат нов висок пораст од шест проценти. Цените се вратија блиску до 110 долари за барел, поради тоа што вестите за мировните преговори меѓу Русија и Украина не се охрабрувачки.

Вредноста на барелот на лондонскиот пазар достигна 109,15  долари, што претставува раст од шест проценти во однос на вчера.

Барелот на американската берза поскпе за 2,56 проценти и се тргува за 106,52 долари.

Во претходната недела цените на нафтените деривати паѓаа и достигнаа нивоа под 100 долари.

Денеска треба да се менуваат цените на бензините и кај нас. Сепак одлуката Регулаторната комисија ја носи анализирајќи ја цената на нафтата во последните пет дена што значи дека денешното поскапување нема да влијае на таа одлука.