Пазарот на капитал во Северна Македонија доживува драстичен пад на вредноста што најмногу се гледа со движењето на индексот МБИ10 на Македонска берза кој ги содржи десетте најликвидни хартии од вредност на котираните акционерски друштва.

Оваа негативна атмосфера кај инвеститорите се должи на блокадата што ја добивме од францускиот претседател Емануел Макрон, кој одлучи да го спречи патот на нашата земја кон членство во ЕУ.

На последниот ден за тргување на македонската берза немаше ниту една акција која забележа раст на својата вредност.

Најпогодени од оваа ситуација беа акциите на Aлкалоид АД Скопје кои забележаа пад од 6,43%. Падот на Македонската берза негативно се одрази и врз вредноста на акциите на Макпетрол АД Скопје кои забележаа пад од 3,92%, како и врз акциите на Стопанска банка АД Скопје кои забележаа пад од 3,39%.

Пад на вредноста на акциите забележаа и Гранит АД Скопје од 3,13% и Комерцијална банка АД Скопје од 2,66%.

Според официјалниот среден курс на Народната банка на Македонија, денеска денарот спрема еврото има вредност од 61.4950 денари.

Курсот на денарот спрема доларот е на ниво од 55.0389 денари, британската фунта изнесува 71.5641 денари, додека пак швајцарскиот франк е 55.8944 денари.