Connect with us
P2_P_MK_1600x400

НБРМ

„Централ бенкинг“: Ангеловска-Бежоска ќе стави личен печат врз централнобанкарското работење

Објавено

на

Еден од водечките информативни сервиси за централно банкарство и финансии во светски рамки, „Централ бенкинг“ (“Central Banking”) објави прилог за гувернерката Анита Ангеловска-Бежоска, осврнувајќи се врз нејзината кариера и постигнатите професионални успеси, како и врз нејзините согледувања за македонската економија и за плановите за  натамошниот развој на Народната банка.

Таа ќе стави личен печат врз работењето на централната банка при евроинтегрирањето на земјата, истакнува „Централ бенкинг“, со упатување кон новитетите и реформите што се очекуваат.

Прилогот содржи и аудиоинтервју со гувернерката, во кое таа, меѓу другото, истакнува дека за нашата економија е мошне значајно што веќе се решени дел од проблемите од неекономски карактер, бидејќи со тоа се создадени предуслови за поголема сигурност и посветли перспективи за економскиот развој.

“Мислам дека влегуваме во нова фаза кога е мошне извесно дека зад нас се оставени несигурноста во економијата и политичките проблеми, што претходно ги забавуваа странските директни инвестиции, како и капиталните инвестиции што се многу важни за економскиот развој”, вели Ангеловска-Бежоска.

Таа нагласува и дека очекува забрзување на реалната конвергенција на нашата економија.

Гувернерката за „Централ бенкинг“ посочува дека Народната банка се подготвува за натамошното зачленување на земјава во ЕУ, поради што, постојано, регулативата и практиките во централнобанкарското работење кај нас се усогласуваат со европските и секојдневно се работи врз имплементирањето на највисоките европски и меѓународни стандарди.

“Наша цел е македонската економија да се интегрира со европската. ЕУ и Европскиот систем на централни банки се наша стратешка определба”, истакнува таа.

Потенцира и дека реформите и новитетите што се планира да ги спроведе Народната банка во претстојниот период, многу ќе придонесат за натамошното приближување на нашата економија кон европското семејство.

За „Централ бенкинг“, Ангеловска-Бежоска открива дека Народната банка ќе преземе и повеќе активности за заштита на потрошувачите, како и нови активности во сферата на финансиската едукација и финансиската инклузија, од кои се очекува да донесат голема корист за целото општество. За многу планирани проекти, таа очекува поддршка и од ЕУ.

Гувернерката порачува дека и натаму, Народната банка ќе испорачува макроекономска стабилност и дека финансискиот систем на земјава останува стабилен. 

Прилогот на „Централ бенкинг“ содржи и осврт врз нејзината досегашна кариера, како и врз предизвиците со кои се соочува како жена на чело на централна банка. Истакнат е нејзиниот придонес за развојот на јавните финансии во земјава, особено преку раководењето на процесот на воспоставување трезорски систем, како и нејзиниот ангажман во Меѓународниот монетарен фонд, каде што беше член на голем број мисии.

Централ бенкинг“ нагласува дека Ангеловска-Бежоска е една од трите жени кои во моментов раководат централни банки во Европа. Другите две се гувернерките на централните банки на Русија и на Србија, а до неодамна жена ја водеше и централната банка на Кипар.

НБРМ

Преддоговорни информации кај потрошувачкиот кредит: преглед на понудените кредитни услови

Објавено

на

Како и во секој договор, и во договорот за потрошувачки кредит се содржани одредби за правата и обврските на договорните страни ‒ банката и должникот. Со цел да се посвети поголемо внимание на договорните обврски од двете договорни страни, законодавецот или регулаторот зависно од видот на правниот пропис, најчесто пропишува задолжителна листа со вообичаени преддоговорни информации коишто банката е должна да му ги даде на должникот уште пред склучувањето на договорот. Овие преддоговорни информации треба да овозможат подобро согледување на идните обврски и осврт на сите битни прашања за кредитот. Преку изработка на посебен формулар со преддоговорни информации и негово доставување до клиентот се овозможува подобра информираност при носењето на одлуката за склучување договор за кредит, што претставува една од најчесто користените светски практики во доменот на финансиската едукација. (more…)

Продолжи со читање

НБРМ

Конкурс за доделување годишна награда на Народната банка на Република Северна Македонија за 2020 година

Објавено

на

Заради поттикнување на развојот на научната мисла и изработка на трудови од областа на макроекономијата и банките и банкарските системи, како и афирмација на млади и стручни кадри, Народната банка на Република Северна Македонија (во натамошниот текст: Народната банка) доделува Годишна награда за млади истражувачи за најдобар труд од областа на макроекономијата и банките и банкарските системи. (more…)

Продолжи со читање

НБРМ

Ангеловска-Бежоска на Годишната конференција и на Годишното генерално собрание на БИС

Објавено

на

Гувернерката на Народната банка, Анита Ангеловска-Бежоска учествуваше на Годишната конференција и на Годишното генерално собрание на Банката за меѓународни порамнувања (БИС), коишто минатата недела се одржаа во Швајцарија. Двата настани се исклучително важни за развојот на меѓународната соработка во сферата на монетарната политика и финансиската стабилност и за унапредување на комуникацијата меѓу централните банки за клучните прашања коишто го засегаат централнобанкарското работење на глобално ниво. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange