Connect with us

Странски банки

Централна банка на Русија: Првенството ќе ја покачи инфлацијата

Објавено

на

Овогодинешното Светско првенство во фудбал ќе донесе поттик за руската економија, но исто така може да предизвика инфлација на краток рок, објави руската централна банка.

Претседателот Владимир Путин се надева дека ќе го искористи Светското првенство, кое треба да се одржи од 14 јуни до 15 јули, за да ја покаже Русија како глобална суперсила и да ги заживее областите во земјата каде што економијата стагнираше со прилив на туристи.

Централната банка изјави дека трошењето за подготовките за турнирот веќе помогнале за поддршката на економијата, која се врати во нормален тек на раст минатата година, по двегодишната криза.

Аналитичарите на Институтот Гајдар во Русија во јануари соопштија дека Светското првенство, кое ќе биде хостирано во 11 градови низ целата земја, би можело да додаде до 0,2% годишен раст на бруто-домашниот производ (БДП) во вториот и третиот квартал.

Меѓутоа, централната банка, која се бореше да ја намали инфлацијата од двоцифрено ниво од пост-советските падови, исто така предупреди дека турнирот може да доведе до зголемување на потрошувачките цени.

“Можно е мало, краткорочно зголемување на цените за некои стоки и услуги (храна, забава, хотели), што ќе доведе до профит за неколку компании”, рече регулаторот.

Руските власти веќе ги именуваа и засрамија хотелите што беа фатени да ги кренат цените на собите пред Светското првенство, од кои некои ги зголемија своите цени за околу 5.000%.

Централната банка, сепак, сé уште ја гледа инфлацијата во Русија под целта од 4% во 2018 година и рече дека би можела да падне на рекордно ниско ниво во близина на 2% во вториот квартал.

Странски банки

Извршниот директор на Морган Стенли е најплатениот американски банкар

Објавено

на

Извршниот директор на „Morgan Stanley”, Џејмс Горман стана најплатениот американски банкар. Неговата годишна плата се зголеми за 22 проценти или сега изнесува шест милиони долари. (more…)

Продолжи со читање

Криптовалути

Сбербанк се подготвува да лансира сопствена криптовалута до пролет!?

Објавено

на

Најголемиот кредитор на Русија, Сбербанк, поднесе барање до националниот финансиски регулатор да воспостави блокчејн платформа за сопствен дигитален токен наречен „Сберкоин”. Проектот би можел да започне уште оваа пролет. (more…)

Продолжи со читање

Странски банки

Лагард: Опоравувањето од пандемијата може да се одложи

Објавено

на

Претседателката на Европската централна банка Кристин Лагард се надева дека 2021 година ќе продолжи да биде година на економско закрепнување од пандемијата, и покрај сериозните блокади и загриженоста за појавата на нови мутации на коронавирусот. (more…)

Продолжи со читање

Популарно