Connect with us

Странски банки

Хаос во Србија: Ограбени неколку банкомати во девет различни градови

Објавено

на

Неколку банкомати во девет различни градови во Србија беа на мета на крадците изминатава недела. За разлика од вообичаените случаи на кражба преку банкомат, кога се копира ПИН кодот и со лажни картички се повлекуваат пари, овојпат крадците физички ги нападнаа банкоматите. Целта им била да ги украдат сите пари што ги има во АТМ уредите, но сеуште не е познато за колкава сума на украдени пари се работи, пренесува “Вечерње новости”.

Според информациите,ограбени беа банкомати во Ваљево, Пирот, Аранѓеловац, Вршац, Смедерево, Парацин, Шабац, Свилајнац и Обреновац. Од Еуробанк, потврдија дека во овој напад биле нападнати неколку нивни банкомати, но дека и неколку други банки, исто така, биле таргетирани.

“Крадците симулирале плаќање со странска картичка, а потоа физички го нападнале и притоа го оштетиле банкоматот со насилна исплата. На овој начин, тие успеале да земат дел од парите на одредена трансакција. Неколку банки беа изложени на овој вид измама во неделата. Мал број банкомати на Еуробанка беа нападнати, но не сите обиди на крадците биле успешни. Случајот беше пријавен во полиција, а банката ги обезбеди сите потребни информации. Особено, нагласуваме дека ниту еден клиент не е оштетен и нема компромис за податоците за клиентите” – изјавија од Еуробанк.

Од изјавата на Еуробанк, во која не беше прецизиран износот за кој Банката е оштетена, се констатира дека крадците сакале буквално да ги искршат банкоматите и да стигнат до касетите со пари. Но, експертите кои се вклучени во производството на овие уреди, велат дека не може да се стигне однадвор во касетите за готовина.

“Секој банкомат на задната страна има каси со готовина и тие каси се наоѓаат во внатрешноста на филијалите или локалите во кои се поставени. Касетата има толку многу различни деноминации како валута. Ако банкоматите издаваат банкноти од 500, 1.000 и 2.000 динари, ќе има три ленти. Тие се заклучени и физички, со клучеви и дигитално. Покрај тоа, банкарот или одговорното лице кое го пополнува банкомат со пари му пристапува преку посебен код, што е уште едно дополнително ниво на заштита. Овие касети се со диспенсер на банкноти, односно “ATM”, кој е поврзан со преносниот механизам преку гумени појаси. На овој начин, парите се пренесуваат од касетата до корисникот на банкоматот. Според тоа, банкоматите се многу заштитени и тешко дека крадците од надворешноста само со кршење на АТМ уредите, можат да направат поголема штета на овој начин, односно практично е невозможно да дојдат до касетите се готовина” – велат експертите за банкомати.

Единствениот начин крадците физички да го нападнат банкоматот и да извлечат пари од него е да го извлечат целиот банкомат, што практично е неизводливо, бидејќи тие се тешки на околу половина тон.

 

Странски банки

Санкциите на САД врз руските банки ќе значат „економска војна“

Објавено

на

Рускиот премиер Дмитриј Медведев изјави дека Москва ќе смета „објава на економска војна“ и оти ќе се „одмазди“ економски, политички или ако е потребно и со други средства, доколку САД наметнат санкции за руските банки или забрана на нивна употреба на одредена валута.

Денешниот говор на Медведев доаѓа откако САД објавија нова рунда на санкции, а американските законодавци предложија дополнителни мерки, вклучително ограничување на работењето на неколку државни руски банки и нивна употреба на американскиот долар.

„Не сакам да ги коментирам разговорите за други санкции, но можам да кажам една работа: нешто како забрана на работењето на банките или на една или друга валута, ќе биде можно целосно да се нарече објава на економска војна, рече Медведев за време на неговата посета на полуостровот Камчатка на рускиот Далечен Исток додавајќи:

„И би било неопходно на оваа војна да се реагира економски, политички или ако е потребно, со други средства. И нашите американски пријатели треба да го разберат ова“, рече Медведев.

Продолжи со читање

Странски банки

Лошата економија на Турција е закана за европските банки

Објавено

на

Од почетокот на годинава турската лира загуби околу една третина од вредноста во однос на американскиот долар и еврото. Инфлацијата во Турција се искачи на 15%, а економскиот пораст во меѓувреме е под нивото коешто беше досега вообичаено.

И Европската централна банка (ЕЦБ) сега го набљудува драстичниот пад на турската валута. ЕЦБ ја анализира поврзаноста на европските банки со Турција. Дали се заканува заразата да премине и на европскиот банкарски систем?

Надзорните органи на ЕЦБ сѐ уште не ја оценуваат ситуацијата како критична, напиша „Фајненшл тајмс“ денеска, повикувајќи се на неименувани лица запознати со надзорот. Сепак, големите банки ББВА од Шпанија, италијанската Уникредит и француската БНП Парибас се особено изложени на опасност. „Фајненшл тајмс“ информира дека надзорните органи на ЕЦБ ја набљудуваат ситуацијата веќе неколку месеци. Официјална изјава од ЕЦБ за ваквите информации на весникот сѐ уште нема.

Досегашниот полет на Турција беше во голем дел финансиран од кредити. Стручњаците предупредуваат на опасноста од високо приватно задолжување во американски долари, зашто долговите поради падот на курсот на лирата на тој начин само се зголемуваат. Освен тоа, Турција е упатена на постојано влевање на странски капитал со што го финансира својот увоз.

Со оглед на високата инфлација од, официјално, 15% економистите препорачуваат зголемување на основната каматна стапка од страна на Централната банка. Но, претседателот Ердоган тоа го спречува. Тој лично се нарече „противник на каматите“ и најави уште поголема контрола над монетарната политика.

Ердоган сака банките и натаму да даваат евтини ркедити, за да го поттикнуваат економскиот пораст, но инвеститорите стравуваат дека може да дојде до „прегревање“. Турските претпријатија имаат кредити во висина од речиси една третина од турскиот брутодомашен производ.

Опасностите за еврозоната се додуша ограничени, но банки од три земји од еврозоната имаат поголеми побарувања од Туција, оценуваат експертите. Според Беренберг-банката, Шпанија има побарувања од 81 милијарда евра, Франција од 35 милијарди, а Италија од 19 милијарди евра.

Турскиот економист Коркут Боратав е на мислење дека финансиска криза може да се избегне само со програма за помош од ММФ. Во 2001 година земјата доби кредит од 10 милијарди американски долари и мораше да спроведе програма за санација. „ММФ тогаш успеа да ја натера турската држава да ги обезбеди долговите на приватниот сектор“, вели Боратав и додава: „Ако Турција побара помош од ММФ и ги подржави долговите, тоа ќе биде спас и за европските банки.“

Продолжи со читање

Странски банки

Италија го продава својот удел во најстарата банка во светот

Објавено

на

Италија планира да го продаде својот мнозински удел во најстарата светска банка „Monte dei Paschi di Siena“, стои во официјалната изјава на министерот за економија Џовани Триа, посочувајќи ги можните несогласувања меѓу владејачката коалиција во Рим.

„Monte dei Paschi di Siena“ е италианска банка основана на 4-ти Март 1472 година и се смета за најстара банка во светот. Годишниот профит на банката изнесува 4.282 милијарди долари. Има 2 032 филијали во Италија и 41 во странство.

Државата поседува 68% од финансиската институција, откако и обезбеди финансиска помош во 2016-та година во рамките на 5-годишната спасувачка програма, договорена во соработка со Европската комисија, која вклучува посветеност на Рим да го продаде целиот свој удел во рок кој не се открива.

Покрај Италија, односно Министерството за Економија и Финансии, други мнозински сопственици на банката се General Group со 4,329% и сопствени акции на банката 3,181%.

 

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange