Халкбанк АД Скопје ги повикува пензионерите кои својата пенија ја примаат преку сметка во банката за нивна поголема заштита, користењето на пензијата за месец март да ја извршат преку користење на платежните картички за пазарење и користење на мрежата на банкомати во случај на потреба за готовина како и преку платежните опции на електронското и мобилното банкарство.

На сите пензионери кои користат платежна картичка, парите ќе им бидат на сметка на 29.03.2021 година (понеделник) и истите ќе може слободно да ги користат при пазарење со платежните картички, преку електронското банкарство или за подигање преку АТМ-ите без провизии.

За пензионерите кои не користат картичка, препорачаната готовинската исплата на пензиите на шалтерите на Банката ќе се одвива во четири групи, според висината на пензијата, и тоа:

• До 11.000 денари                   29.03.2021 г. (понеделник)
• 11.001-14.000 денари            30.03.2021 г. (вторник)
• 14.001-18.000 денари            31.03.2021 г. (среда)
• Над 18.001 денари                 01.04.2021 г. (четврток)

На шалтерите на Банката ќе бидат подготвени апликации и инструкции од вработените за добивање и користење на бесплатните дебитни картички за приматели на пензии и уникатната можност за користење на сите банкомати од било која банка во државата без провизија за подигнување на готовина.

Работењето на филијалите од аспект на бројот на вработени и бројот на шалтери кои ќе работат, ќе бидат прилагодени во најголема можна мера на потребите, ќе бидат ангажирани лица за одржување на редот, се’ во насока за зачувување на здравјето и безбедноста и на вработените и на клиентите на Халкбанк АД Скопје.

Сите филијали на Халкбанк АД Скопје ќе бидат во функција за извршување на потребите на клиентите во периодот од 08:30 до 16:30 часот.