Connect with us

Криптовалути

Хакери украле 600 милиони долари во криптовалути!

Објавено

на

Хакери украле криптовалути во вредност од 600 милиони долари на дигиталната платформа „Poly Network” во најголемиот грабеж во историјата на децентрализирани финансиски платформи.

Хакерите ја искористиле ранливоста во „Poly Network”, платформа која се обидува да поврзе различни сегменти на блокчејн технологија за да можат да работат заедно, пишува „CNBC”.

„Poly Network” го откри нападот на Твитер и побара комуникација со хакерите и ги повика да го „вратат хакираниот имот“, пишува „tportal”.

Блокчејн е „книга“ на активности на кои се темелат разни криптовалути. Секоја дигитална монета има свој блокчејн и тие се разликуваат едни од други. Poly Network тврди дека може да ги организира сите овие блокчејн да работат едни со други.

„Poly Network” е децентрализирана финансиска платформа. DeFi е широк поим кој опфаќа финансиски апликации засновани на блокчејн технологија кои настојуваат да ги истераат посредниците – како што се брокерите на акции. Затоа се нарекува децентрализирана.

Заговорниците велат дека тоа може да ги направи финансиските апликации, како оние за кредити или позајмување, поефикасни и поевтини.

„Износот на пари кој го хакиравте е најголем во историјата на DeFi”, напишаа „Poly Network” во друг твит, пренесува „Seebiz”.

Откако хакерите ги украле парите, тие почнале да ги испраќаат на разни други адреси. Истражувачите од компанијата за безбедност „SlowMist“ рекоа дека криптовалутата, проценета на повеќе од 610 милиони долари е префрлена на три различни адреси.

„Poly Network” ги повика берзите на криптовалути споменатите токени што доаѓаат од адреси поврзани со хакерите да ги стават на „црната листа“.

Криптовалути

ЦРНА НЕДЕЛА ЗА КРИПТОВАЛУТИТЕ – Биткоинот на најниско ниво од јануари

Објавено

на

Биткоинот во текот на вчерашниот ден падна на најниско ниво од јануари, бидејќи падот на берзите продолжува крајно негативно да влијае и на криптовалутите, чие тргување ги следи таканаречените поризични средства, како што се акциите на технолошките компании. (more…)

Продолжи со читање

Криптовалути

Нексо и Мастеркард ја претставија кредитната картичка базирана на криптовалути

Објавено

на

Дигиталната компанија за трговија и кредити со криптовалути „Nexo” објави дека во соработка со глобалната компанија за картички „Mastercard”, во Европа ја пушти во употреба првата кредитна картичка во светот базирана на криптовалути. (more…)

Продолжи со читање

Криптовалути

На што се заснова успехот на дигиталните пари?

Објавено

на

Трета година по ред, биткоинот, како најпозната криптовалута во светот, значително ја надмина заработката што можеше да се постигне со пласирање пари во алтернативни видови инвестиции. Во 2021 година, биткоинот донесе принос од речиси 60 проценти, што е поголема заработка во споредба со рекордниот скок на цената на суровата нафта, индексите на американските или германските акции. Разликата е уште поизразена во однос на видовите средства кои претрпеа загуби минатата година, како што се американските корпоративни и државни должнички хартии од вредност, злато или сребро. (more…)

Продолжи со читање


Популарно