Connect with us

Анализи

ФОРМУЛА ЗА ПРОФИТ НА ОБСГ: Зголемени плати и намалени резервации!

Објавено

на

Охридска банка Сосиете Женерал за девет месеци од тековната 2018 година успеа да направи значително подобрување во однос на финансискиот резултат споредбено со претходната година.

Согласно билансот на успех, финансискиот резултат за периодот од 1.1.2018 до 30.9.2018 г. изнесува 531,6 милиони и е значително повисок, односно за 2,5 пати во однос на остварениот резултат за истиот период минатата година.

Два сегменти се особено интересни за анализа. Станува збор за трошокот за вработени и исправката на вредноста (резервации).

Во анализираните девет месеци од тековната година евидентно е зголемувањето на трошокот за вработени, односно инвестицијата во вработените преку исплата на повисок личен доход. Имено, во периодот од 1.1.2018 до 30.9.2018 г. на име трошоци за вработени исплатени се 254 милиони денари, додека во текот на 2017 година за 12 месеци за истата ставка потрошени се 243,8 милиони денари. Доколку се донесе заклучок согласно финансискиот резултат на банката досега, повеќе од јасно е дека стратегијата на инвестирање во своите вработени и постојано наградување носи ефект.

Согласно податоците за банката објавени на веб страната, бројот на вработени во Охридска банка Сосиете Женерал на 30.06.2018 година изнесувал 400.

Вториот сегмент претставува исправката на вредноста, односно нивото на одвоени резервации. Во анализираниот период е остварено ослободување на исправката на вредноста на нефинансиските средства во износ од 8,4 милиони денари што се должи на продажба на преземени средства.

Исправката на вредноста на финансиските средства на нето-основа на крајот од третиот квартал од 2018 година изнесува 232,8 милиони денари и, споредено со истиот период во 2017 година, бележи намалување за 51%.

 

Анализи

Се поголем е бројот на банкари – милионери!

Објавено

на

Банките се едни од најпрофитните организации, како во светот, така и во нашата земја. (more…)

Продолжи со читање

Анализи

Македонците сеуште практикуваат плаќање во кеш, но тој тренд полека се менува

Објавено

на

Статистичките податоци на Народната банка за септември 2018 година покажуваат дека од вкупниот број трансакции реализирани со кредитни трансфери или приближно пет милиони, во хартиена форма се реализирани 2.896.599 трансакции, додека електронски 2.069.280. (more…)

Продолжи со читање

Анализи

Колку се застапени жените во Управните одбори на банките во Македонија?

Објавено

на

Со цел утврдување на статусот на жената во општеството, Банкарство спроведе истражување на тема ,,Жените во Управните одбори на банките во Република Северна Македонија”. Истражувањето ја опфаќа процентуалната застапеност на жените во Управните одбори на банките во Македонија, па за таа цел беа анализирани сите банки. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange