Домашни банки
ФИТР и Стопанска банка АД – Скопје го олеснуваат финансирањето на иновативните компании

Олеснет пристап до финансирање за сите микро, мали и средни претпријатија, овозможени се преку Меморандумот за соработка кој го потпишаа Фондот за иновации и технолошки развој и Стопанска банка АД – Скопје.
Можностите се однесуваат на корисници на кофинансирани грантови на ФИТР, кои имаат потреба за дополнителна финансиска поддршка, како и за компании кои аплицирале на некој од повиците на ФИТР а не биле одобрени за финансирање од Фондот.
„Пред неколку месеци суштинската соработка на ФИТР со банкарскиот сектор беше само идеја, а денес со шестте најголеми банки во државата им го олеснуваме развојниот пат на македонските стартапи и заеднички придонесуваме за развојот на домашната економија. Верувам дека преку партнерството на ФИТР со Стопанска банка АД – Скопје, ќе ја зголемиме бројката на новите стартап компании и ќе ги поттикнеме инвестициите, со крајна цел да започнат бизнис во нашата земја а да бидат успешни на светските пазари. Предлог проектите кои ги добиваме на јавните повици покажуваат дека имаме голем мотив да продолжиме интензивно да работиме на потребите на стартап заедницата и изнаоѓање решенија за полесно пласирање на нивните идеи.”, изјави Коста Петров, директор на Фонд за иновации и технолошки развој.
Пакетот на банката нуди основна и наменска трансакциска сметка за вршење плаќања во домашниот платен промет без надомест за отвaрање на сметка, дозволено пречекорување на денарска сметка со минимална провизија за одобрување, пристап на Е-banking и М-banking сервиси и повластени провизии за трансакции преку Е-banking сервисот до 70% пониски од оние на шалтер но и VISA бизнис картичка без надомест за годишна членарина за првата година од користењето. Дополнително Банката може да понуди и кредитни линии, краткорочни и среднорочни кредити за финансирање на обртен капитал, долгорочни кредити за финансирање на инвестиции со промотивни услови како и посветен советник за бизнис клиентите.
„Потпишувањето на Меморандумот за соработка со ФИТР не радува затоа што силно веруваме во претприемачкиот дух, во иновативноста на нашите сограѓани и во потенцијалот за локален но и за глобален раст. Нашата улога како системски значајна банка е токму да бидеме двигатели на економијата. Оттука, покрај поддршката за големи развојни проекти, Стопанска банка АД – Скопје е исто така посветена на поддршка и охрабрување на малите и средните компаниии за целосно да ги остварат своите амбиции, се разбира преку здрави финансиски совети и соодветно прилагодени производи и услуги. Нашата речиси 80 годишна традиција, нашето богато искуство и експертиза се начин за остварување на силна синергија со плановите и проектите на иноваторите за испорачување на одлични крајни резултати. Затоа, ги повикуваме заинтересираните да им пристапат на нашите Референти за мал бизнис во филијалите и да побараат практичен совет и финансиско решение прилагодено на нивните потреби. На овој начин, Стопанска банка АД – Скопје останува постојано на ваша страна.”, информираат од Банката.
ФИТР и Стопанска банка ќе организираат и едукативни и промотивни активности поврзани со можностите за финансирање на домашните компании, зголемување на финансиската писменост со цел олеснување на пристап кон финансиски средства, олеснет бизнис развој и комерцијализација на иновации.
Повеќе информации за пакетот можат да се најдат на веб страницата на Стопанска банка АД – Скопје.
Домашни банки
Личниот пристап кон клиентите е клучен за градење доверба

Банките се двигатели на секоја економија, а нивната одговорност кон клиентите е повеќеслојна и поеднакво се однесува и на бизнисите (правните лица) и на поединците (физичките лица). (more…)
Домашни банки
Доделен автомобилот TESLA на среќниот добитник во наградната игра на Стопанска банка АД – Скопје

Најсреќниот добитник во големата наградна игра на Стопанска банка, Ацо Савиќ, вчера (23 ноември) пред просториите на Банката во центарот на Скопје ги доби клучевите од новиот автомобил TESLA model 3. Автомобилот е главната награда од наградната игра на Стопанска банка со Mastercard платежните картички „Најбрзо до Тесла возило со СБ”, која траеше од 1 јули до 31 октомври. (more…)
Домашни банки
ЕБОР одобри 9 милиони ЕУР кредит на ПроКредит Банка во Северна Македонија

Европската банка за обнова и развој (ЕБОР) доделува нови средства за поддршка на младите претприемачи и основање на бизниси, како и за промовирање на зелени финансии во Северна Македонија, преку финансискиот пакет од 9 милиони ЕУР одобрен за ПроКредит Банка. (more…)
- Домашни банкипред 2 months
Халкбанк со тројца нови членови на Управниот одбор – Беркан Имери, Александар Иљов и Мухамед Хаџипази
- Банкипред 2 months
Оглас за вработување во Комерцијална банка АД Скопје
- Осигурувањепред 2 months
АСО со обуки ќе ја гради и зајакнува финансиската едукација на средношколци – математичари
- Домашни банкипред 1 month
Компании во земјава реализираат 20 „зелени“ проекти од кредитната линија на ЕБОР преку Стопанска банка
- Домашни банкипред 4 weeks
Данијела Јовческа, Никола Горгиевски и Марија Танаскоска се најдобрите банкарски службеници од Шпаркасе Банка во 2023 година
- Банкипред 2 months
Шпаркасе Банка АД Скопје вработува Член на Управен Одбор
- Business Manпред 2 months
Проф. Д-р Драгољуб Арсовски се стекна со 3.003 обични акции издадени од ТТК Банка АД Скопје
- Домашни банкипред 2 months
Шпаркасе Банка го активираше порталот за тестирање на платформата за отворено банкарство