Connect with us

Колумни

Учењето и здравјето

Објавено

на

Концептот на доживотно учење значи учење во сите периоди од животот (од млади до постари години), во неформален и формален облик. Со концептот на доживотно учење најчесто се поврзуваат економските цели, на пример, постигнување поголема конкурентност или зголемување на можноста за вработување.

Меѓутоа, учењето има значаен удел како во социјалниот, така и во психичкиот дел од здравјето.

Под психичко (ментално) здравје се подразбира усогласено функционирање во сите животни средини: во семејството, во локалната заедница, како и во образовното и професионалното опкружување. Ментално здравата личност се чувствува среќно и задоволно, се однесува примерно, полесно се приспособува на другите луѓе и може да се справи со барањата поставени пред неа.

Добро ментално здравје значи добар развој на интелектуален, емоционален, социјален и здравствен план.

Процесот на учење преку развој на личните потенцијали, подобрување на начинот на размислување и способноста за помнење, преку развој на концентрацијата и организациските способности, постигнување чувство на задоволство, исполнетост и самопочит, има добро влијание врз менталното, но и врз целокупното здравје на поединецот.

Придобивките од учењето лежат и во активната улога на поединецот во општеството

Општествената вклученост и остварувањето социјални контакти, особено оние што се темелат врз „позитивна основа”, какво што е учењето, се важни предуслови за подобро ментално здравје. Според голем број истражувања, тие се едни од клучните услови за подолг животен век.

Учењето претставува напредок, разбирање, зголемување на сопствените способности и вештини, како и правилно управување со своите постaпки и во приватниот и во професионалниот живот.

Економските придобивки што учењето може потенцијално да ги донесе се исто така еден од предусловите за добро ментално здравје. Можноста да се оствари квалитетен живот исто така може да влијае добро врз здравјето, но и врз личното и професионалното задоволство.

Важно е да се напомене дека доживотно учење често знае да се поврзе со доживотното образование. Меѓутоа, овие две работи не се исти. Образованието претставува само формално учење, а неформалното учење има поширок опсег што опфаќа и самостојно стекнување знаење, надвор од некоја образовна установа или друга организација. Можеме да учиме во текот на целиот живот, без оглед на годините, опкружувањето или организацијата.

Како учењето влијае врз мозокот?

Со учењето се развиваат нови невронски патишта, а со повторување се зајакнуваат старите. Истражувањата покажуваат дека мозокот е „невропластичен” во текот на целиот живот, односно дека учењето и мисловните процеси можат да создадат нови невронски патишта и во подоцнежниот период од животот. На тој начин мозокот останува „во функција” и го одржуваме неговото здравје.

Значи, препораките се:

•Учењето нека ви биде редовна активност до крајот на животот;
•Што и да учите – добро е. Тоа може да биде која било нова активност, вештина или хоби;
•Совладувањето нови јазици е добро за вашите неврони;
•Решавајте математички загатки;
•Користете посебни интернет-апликации наменети за развивање на здравјето на мозокот преку решавање на задачи;
•Читајте барем половина час дневно;
•Слушајте музика – таа ги опушта невроните;
•Научете некој нов облик на физичка активност.

Извор: triglav.mk

Колумни

Што се даночни раеви и како големите корпорации ги користат?

Објавено

на

Даночните приходи ја одржуваат цивилизацијата во живот. Но, не сите даночни обврзници играат според истиот пакет на правила. Со помош на адвокати, сметководители и разни професионалци, богатите и добро поврзани лица избегнуваат да плаќаат трилиони долари данок. Останатите ја покриваме разликата – вложувајќи ги нашите пари за изградба на патишта, училишта итн. Даночните раеви го овозможуваат сето тоа. Според некои проценки, околу 10 проценти од вкупното производство на сите економии во светот е сместено во офшор финансиски центри, кои ги држат “школки” компании кои постојат само на хартија. Трошоците за државите, во загубен приход, се проценува дека надминуваат 800 милијарди долари годишно. (more…)

Продолжи со читање

Колумни

Користење на технологијата за напредок

Објавено

на

Технологијата оди со огромни чекори напред. Постојано знаеме да кажеме или прочитаме дека истата ќе ни ги земе работните места. Да, вистина е технологијата можеби ќе замени голем дел од нашата физичкa работа, но тоа во иднина ќе ни овозможи да се фокусираме на работи кои што не можат да се автоматизираат. Тоа е начинот на размислување и визијата која што мора да не води напред. Ако немаме визија и ако не започнеме да вложуваме во себе промените ќе не водат нас, наместо ние да ги водиме нив. Затоа влогот во себе е влог во иднината. Доколку сакаме спремни да ја дочекаме иднината мораме да се посветиме на учење, а не само на генерално подобрување во одредени области. (more…)

Продолжи со читање

Колумни

Фискален стимул за заздравување, забрзан економски раст и фискална консолидација

Објавено

на

Минатата недела се одржа првата заедничка научна конференција на Министерството за финансии и Македонската академија на науките и уметностите (МАНУ). (more…)

Продолжи со читање



Популарно