Connect with us
P2_P_MK_1600x400

НБРМ

Успешно заврши четвртиот меѓународен форум за ИТ во организација на НБРМ

Објавено

на

Денес, во Охрид заврши 4тиот меѓународен форум за ИТ во организација на Народната банка на Република Македонија, на кој зедоа учество триесет и четири ИТ-специјалисти од петнаесет централни банки.

Учесниците на Форумот, изминативе три дена, преку презентации и отворена дебата ги споделуваа своите знаења и искуства за различни аспекти на развојот и одржувањето на апликациите и ИТ-сервисите. Притоа, меѓу другото, беше посветено внимание не само на најдобрите практики во процесот на развој и стандардизација на софтверските решенија коишто се користат во централните банки, туку и на клучните фактори за обезбедување висок квалитет на управувањето со нивниот животен циклус и на нивното одржување. Во дел од дискусиите, акцентот беше ставен и на: системите за обработка на плаќања, процесот на планирање на развојот на апликациите и начинот на одредување приоритети на проектите, управувањето со правата на пристап во апликациите, складирањето податоци во централнобанкарските институции и на управувањето со нив, воведувањето софтвер за управување со големи бази на податоци, како и на ИТ-платформа за деловна анализа на податоци.

Со цел да се споредат националните практики, претставници на сите централни банки коишто зедоа учество на Форумот имаа свои презентации со кои ги претставија своите искуства и своите натамошни планови за подобрување на процесот за развој на апликации, при што посебно беше истакната агилната метода за развој на апликации со употреба на техниката СЦРУМ (SCRUM). По секоја од презентациите, меѓу присутните ИТ-специјалисти се водеше плодна и темелна дискусија. Во рамки на дискусиите, учесниците не само што правеа компарација меѓу презентираните и сопствените искуства, туку и иницираа предлози за можни решенија коишто ќе придонесат за натамошно унапредување на развојот и одржувањето на апликациите и ИТ-сервисите во централните банки, воопшто.

Свои презентации имаа и претставници на НБРМ, преку кои, пред учесниците од странство беше претставен процесот на планирање и на управување со проектите за развој на апликации во нашата централна банка. Во дискусијата којашто се водеше по овие презентации, меѓу другото беше одбележано дека НБРМ има процес за планирање и развој на апликации којшто е високо развиен и дека нејзините споделени искуства може да се ползуваат од други централнобанкарски институции.

Во рамки на дискусиите на Форумот, учесниците, аналитички и компаративно, ги согледуваа и искуствата во случаите на развој и одржување на апликациите и ИТ-сервисите од страна на ангажирани надворешни субјекти и во случаите кога севкупниот процес е управуван и остварен од ИТ-специјалистите коишто работат во централните банки. Притоа, беше забележано дека одлуката за тоа дали да се развиваат од надворешни субјекти или внатрешно да се развиваат, пред сѐ, зависи од пазарот во земјата каде што работи централната банка, а за земји каде што нема широк пазар, како Македонија, има низа фактори коишто укажуваат на неопходноста да се настојува што поголем дел од апликациите и ИТ-сервисите коишто ги користат централнобанкарските институции да бидат продуцирани, развивани и одржувани од нивните стручни ИТ-тимови. Од повеќе говорници беше укажано дека проектите за развој на апликации во голема мера зависат од луѓето и нивната мотивирност, што дополнително ги обврзува централните банки да вложуваат многу не само во својата ИТ-инфраструктура, туку и во јакнење на капацитетот на стручниот кадар од оваа област. Во контекст на тоа, во дискусиите беше поддржано настојувањето на НБРМ, преку овој традиционален централнобанкарски форум за ИТ, којшто е единствен во овој дел на Европа, да даде придонес и за подигнување на нивото на знаење кај ИТ-специјалистите кај присутните централни банки.

Во завршницата на Форумот, сите учесници го споделија мислењето дека тој ја оствари својата цел, односно дека споделените искуства и мислења, како и заеднички донесените заклучоци во врска со низа прашања ќе придонесат за подобрување на развојот и одржувањето на апликациите и ИТ-сервисите кај централните банки чии претставници учествуваа во тридневните дискусии, а воедно и ќе се воспостави комуникација во иднина за нови отворени прашања од оваа област.

НБРМ

Ангеловска-Бежоска на тркалезна маса со Тао Жанг од ММФ

Објавено

на

Гувернерката на Народната банка, Анита Ангеловска-Бежоска, учествуваше на тркалезна маса со Тао Жанг, заменикот на директорката на Меѓународниот монетарен фонд (ММФ), Кристин Лагард, којашто се одржа во неделата, во Дубровник, Хрватска. Настанот беше организиран во рамки на втората заедничка конференција на Хрватската народна банка и ММФ, насловена „Демографијата, вработувањето и растот: Управување со иднината во Централна, Источна и Југоисточна Европа“, на којашто учествуваа гувернери на централни банки и министри за финансии од регионот, претставници на Светската банка, Европската комисија, Банката за меѓународни порамнувања и на други меѓународни институции, како и угледни експерти од универзитетите во Оксфорд, Лондон и Тарту. Дводневното конференциско издание беше посветено на пазарот на трудот и демографските предизвици, иднината на работната сила и политиките коишто се потребни за одржлив економски раст и достигнување на нивоата на доход во развиените земји од Западна Европа. (more…)

Продолжи со читање

НБРМ

Преддоговорни информации кај потрошувачкиот кредит: преглед на понудените кредитни услови

Објавено

на

Како и во секој договор, и во договорот за потрошувачки кредит се содржани одредби за правата и обврските на договорните страни ‒ банката и должникот. Со цел да се посвети поголемо внимание на договорните обврски од двете договорни страни, законодавецот или регулаторот зависно од видот на правниот пропис, најчесто пропишува задолжителна листа со вообичаени преддоговорни информации коишто банката е должна да му ги даде на должникот уште пред склучувањето на договорот. Овие преддоговорни информации треба да овозможат подобро согледување на идните обврски и осврт на сите битни прашања за кредитот. Преку изработка на посебен формулар со преддоговорни информации и негово доставување до клиентот се овозможува подобра информираност при носењето на одлуката за склучување договор за кредит, што претставува една од најчесто користените светски практики во доменот на финансиската едукација. (more…)

Продолжи со читање

НБРМ

Конкурс за доделување годишна награда на Народната банка на Република Северна Македонија за 2020 година

Објавено

на

Заради поттикнување на развојот на научната мисла и изработка на трудови од областа на макроекономијата и банките и банкарските системи, како и афирмација на млади и стручни кадри, Народната банка на Република Северна Македонија (во натамошниот текст: Народната банка) доделува Годишна награда за млади истражувачи за најдобар труд од областа на макроекономијата и банките и банкарските системи. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange