Connect with us

Останато

Усвоен новиот закон за сметководствени работи, подигнување на капацитетите и стручната подготвеност на сметководителите

Објавено

на

Подигнување на капацитетите и стручната подготвеност на сметководителите се клучните промени кои ги содржи Законот за сметководствени работи, што го усвои Собранието. На законското решение работеше Министерството за финансии (МФ) низ инклузивен процес заедно со засегнатите страни, со цел да се воспостави и спроведат професионални стандарди во сметководствената професија и заштита на јавниот интерес, информираат од МФ.

Законот, нагласуваат, се заснова врз начелата за непристрасност, независност, транспарентност, стручност, професионалност и законитост при вршењето сметководствени работи. Со Законот за сметководствени работи, како што посочуваат, сметководителите и овластените сметководители ќе имаат обврска за задолжителна професионална едукација и почитување на општоприфатените етички принципи на професијата.

„Ќе имаат обврска задолжително да полагаат испит за влегување во професијата, како и зголемување на бројот на часовите за континуирано професионално усовршување (КПУ). Правото на вршење сметководствени услуги ќе се стекнува само со исполнување на критериумите дефинирани со Законот. Лицата што вршат сметководствени работи ќе имаат законска одговорност во поглед на правилното водење на сметководството, и обврска со потпис да ја потврдат точноста на годишната сметка и на финансиските извештаи, како и нивната усогласеност со законските одредби”, истакнуваат од МФ.

Надзор над сметководствената професија, додаваат, ќе врши самостојно и независно тело, односно Совет за унапредување и надзор на сметководствената професија кој ќе обезбеди соодветно применување на сите принципи за спроведување на обуките за КПУ, истовремено грижејќи се за континуираниот раст и развој на целокупната сметководствена фела, сè до обезбедување гарантирано имплементирање на сите потребни мерки за примена на меѓународните сметководствени стандарди.

„Институтот за вршење сметководствени работи со новиот Закон се дефинира како правно лице со јавни овластувања, во рамки на кој ќе се воспостават органи на управување и акти за работење. Институтот во континуитет ќе има обврска да ги преведува меѓународните стандарди за финансиско известување и да ги исполни потребните стандарди за влез на Институтот во IFAC”, прецизираат од МФ.

Дополнително, посочуваат, со Законот се овозможува влез на нови правни субјекти на пазарот на организирање обуки за вршење сметководствени услуги.

„Континуираното професионално усовршување ќе го спроведуваат правни лица кои даваат услуги за советување и едукација од областа на сметководството, финансиите, даноците, корпоративното право и работните односи и кои за да вршат континуирана едукација ќе мора да имаат одобрение од Институтот. По влезот на земјава во ЕУ се дава можност сметководствените услуги да ги даваат и странски физички и правни лица, со што Законот се усогласува со европската директива за услуги”, истакнуваат од Министерството за финансии.

Останато

Пензионерите добиваат повисоки пензии за 6,8 проценти

Објавено

на

Со септемвриската пензија околу 330 илјади пензионери во државата добиваат повисоки пензии за 6,8 проценти, согласно новата методологија воведена со последните измени во Законот за пензиското и инвалидското осигурување, кои стапија на сила во март 2022 година. (more…)

Продолжи со читање

Останато

Годишната стапка на инфлација во Белгија 11,27 проценти, највисоко ниво во последните 50 години

Објавено

на

Годишната стапка на инфлација во Белгија се искачи на 11,27 проценти во септември, што е највисоко ниво во последните 50 години, покажуваат официјалните податоци. (more…)

Продолжи со читање

Останато

МФ: Владата обезбеди 250 милиони евра со поволни услови преку германски хартии од вредност

Објавено

на

Владата донесе одлука за издавање хартии од вредност на германскиот пазар, обврзница позната како „Namensschuldverschreibungen”, односно NSV, во износ од 250 милиони евра. Како што соопшти Министерството за финансии (МФ), средствата ќе се искористат за отплата на стари долгови кои доспеваат и за финансирање на буџетски потреби. (more…)

Продолжи со читање

Популарно